Ekonomia

All Stories

Lasarte-Orian energia komunitate bat sortuko dute, 1.000 familia hornitzeko xedearekin

Estrategikoki kokatutako 6 instalazio izango dira, eta bertan panel fotovoltaikoak jarriko dira. Horien bidez, autokontsumorako erregimenean, udalerriko auzo eta eremu guztietara energia garbi eta berriztagarria eramatea bermatuko dela ziurtatzen da. Aurreikuspenen arabera, udalerriko 1.000 familia eta denda hornituko ditu, eta horri esker, argindarraren fakturan % 30 aurreztuko dute.

Mercedes-Benzek Gasteizko lantegia 23 hektareatan handitzeko proposamena aurkeztu dio Udalari

Mercedes multinazionalak Gasteizen duen lantegia handitzeko eta sendotzeko proposamena aurkeztu dio asteazken honetan Gorka Urtaran alkateari. Proiektuak 23 hektarea hartuko dituen industria gune berria eraikitzea aurreikusten du. Nabarmendu duenez, egitasmoak hiriaren Eraztun Berdea eta udal araudia "errespetatuko" ditu.
Urtaranek lantegiko zuzendariari, ziurtatu dio Udala aliatu izango duela lantegia hegoalderantz handitzeko eta sendotzeko. “Ziurgabetasun-garaian, enpresa finkatzeak zuzeneko eragina du 5.000 familiatan eta udalerriko eta Euskadiko ekonomia osagarrian.”
Urtaranek proposatu du ekoizpen- eta industria-erabilerako eremu berri bat mugatzea egungo lantegiaren inguruan, hiri trinko bat eta lurraldearen oreka ekonomiko bat lortzeko helburuekin bat etorriz, Eraztun Berdearen eremuko gune naturala errespetatuz.

SuperBerriak-eko zuzendaritzak bertan behera utzi du enplegu erregulazio espedientea

SuperBerriak supermekatuetako zuzendaritzak bertan behera utzi du 70 langile kaleratzea ekarriko zuen enplegu erregulazio espedientea. Izan ere, neurria salatzeko SuperBerriakeko langileek greba mugagabea abiatu zuten irailaren 16an, LAB eta CCOO sindikatuek deituta. Bada, erregulazio espedientea baztertuta beharginek greba muagabearen garaipena ospatu dute. Hala ere, euren lanpostuen mantentzea bermatu arte, antolatuta jarraituko dutela adierazi dute.

Hego Euskal Herrian esportazioak baino gehiago igotzen ari dira inportazioak

Esportazioak %25,4 igo dira uztailera arte Hego Euskal Herrian, hau da, kanpo merkataritza handitu da. Gas erosketa handien eraginez, uztailean parekatu egin dira esportazioak eta inportazioak. Izan ere, esportazioak baino gehiago igotzen ari dira inportazioak; horren arrazoietako bat da produktu energetikoen erosketa asko handitu dela.

Igor Arroyo (LAB): 'Eredu ekonomiko eta sozialean trantsizio bat ireki beharra dago'

Krisi ekonomikoari eta sozialari aurre egiteko neurriak auzketu ditu LAB sindikatuak Araba, Bizkai eta Gipuzkoako eta Nafarroako Kontseilu Ekonomiko eta Sozialetan. Izan ere, LABen ustez, bizitza erdigunean izateko, eredu trantsizio ekosozialista eta feminista garatu behar da, besteak beste. Horrez gain, Kontseilu Ekonomiko eta Sozialei premiazko bilera eskatu die LABek.

hamaika telebista

11 laguntzaile

Image