Ekonomia

All Stories

Alconzako grebalariak: 'Garaipen eguna izan da eskirolak ez baitira etorri'

61. greba eguna dute Alconza-Irizar enpresako langileek. Gaurkoan ere piketea deituta zuten lantegiko atarian, aurreko lau egunetan ez bezala, baina, gaur ez da inor agertu lanera. Edola ere, prentsaurrekoa egin dute aurreko egunetan jasandako jazarpen poliziala, kaleratutako langileak berriro onartzea eskatzeko eta Irizar Taldeari lantegiarentzako industria-plan bideragarria exijitzeko.

Maiatzaren 1ean, prekarietatearen eta pobreziaren kontrako aldarriek hartuko dituzte kaleak

Maiatzaren 1a aldarrikapenak kalera ateratzeko eta egungo sistema ekonomiko eta sozial bidegabea saltzeko eguna dela azpimarratu dute LABek eta ELAk. Fokua prekarietatearen hedapenean eta bizitzaren garestitzean jarrita iritsiko da ELA igandeko hitzordura. LABek, ordea, birbanaketa politikak aplikatzea izango du erdigunean. Hala, langileen egunaren atarian, sindikatuek kalera aterako dituzten aldarrien berri izateko Igor Arroyo LABeko idazkari ondokoarekin eta Pello Igeregi ELAko negoziazio Kolektiboko arduradunarekin mintzatu da Hamaika Telebista.

Lanak gaixotzen eta hiltzen jarraitzen duela salatu du euskal gehiengo sindikalak

Laneko Segurtasun eta Osasunaren Nazioarteko egunean, ELA, LAB, ESK, Etxalde, STEILAS eta Hiru sindikatuek, elkarrekin, manifestazioak egin dituzte Bilbon zein Iruñean, ‘Prekarietatea hiltzailea, lan istripu gehiagorik ez’ lelopean. UGT eta Comisiones Obreras sindikatuek ere protestak egin dituzte, bakoitzak bere aldetik Bilbon eta elkarrekin Iruñean, bi sindikatu horiek, gainera, lanean segurtasuna eta osasuna oinarrizko eskubideak direla aldarrikatu dute.

Alconza: 'Biolentziaz baliatu dira langileen eta herritarren aldarrikapenak bertan behera uzteko'

Berangoko Alconza-Irizar lantegiko langileek 60 daramatzate greba mugagabean. Duela lau egun fabrikako ateak ireki zituzten, otsailaren 28tik itxi egon ostean. Goizero protestak egiten dituzte grebalariek enpresaren atarian, eta asteon lanuztera batu ez diren langileak lantegira sartzen zeudela tentsio uneak bizi zituzten.

Bizkaiko eraikin eta lokalen garbikuntza sektoreko grebak jarraipen zabala izan du

Bizkaiko eraikin eta lokalen garkikuntza sektoreko langileek greba egin dute ELA, LAB eta ESK sindikatuek deituta. Lan baldintza duinen alde egindako lanuzteak jarraipen zabala izan du. 1.200 euroko gutxieneko soldata hamabost ordainsarietan eskatzen dute, besteak beste. Hala, maiatzaren 10ean, 11n, eta 12an berriko greba egingo du garbikuntzako sektoreak.

Bizkaiko autoeskoletako langileek %36ko soldata igoera adostu dute

Bizkaiko Autoeskoletako langileen lan gatazka amaitu da, eta %36ko soldata igoera adostu dute lau urteko epean. 40 greba egun deitu ditu ELAk eta CCOOk hiru, eta biek akordioa lortu dute Apavi patronalarekin. Edonola ere, ELAk ziurtatu duenez, langileek grebetan erakutsitako indarra eta ELAren erresistentzia kutxa funtsezkoak izan direla Apavi aurreakordioa sinatzea ahalbidetzeko.

Pello Igeregi, ELA: "Lan istripuen erdia langileen kontratuetako lehenengo bi hilabetetan ematen dira"

ELA sindikatuak kalkulatu du 541.600 langile prekario daudela Hego Euskal Herrian. 2022a hasi zenetik 21 behargin hil dira lan istripuetan. Bada, Lan Osasunaren Nazioarteko Egunaren bezperan, Pello Igeregik, ELAko Negoziazio Kolektiboko arduradunak, azaldu duenez prekarietatea eta lan osasuna erabat lotuta dauden bi gai dira. Igeregik nabarmendu duenez, gainera, lan instripuen erdia langileen kontratuetako lehenengo bi hilabetetan izaten dira.

Jaurlaritzak nekazaritzan iragarritako laguntzak eskatzeko epea larunbatean amaituko da

Eusko Jaurlaritzak iragarri du 44 milioi euroko diru laguntza bideratuko dutela nekazaritzara. Laguntzen helburua da, belaunaldien arteko erreleboa lortzea, nekazaritza-sektorea modernizatzea, elikakatean berrikuntza eta lehiakortasuna sustatzea, nekazaritzako elikagaien industria babestea eta kalitate-bereizgarrien balio erantsia indartzea, besteak beste. Gogoratu eskaera aurkezteko epea datorren apirilaren 30ean amaituko dela.
hamaika telebista

11 laguntzaile

Image