2022an 71 pertsona hil ziren lanean eta 2.500 lagun lan gaixotasunengatik, ELAren arabera. Bestalde, ELAk salatu duenez, LABek Osalan eta Nafarroako Osasun Publikoaren eta Lan Osasunaren Institutuan parte hartzea erabaki du. Hala, ELAren esanetan, LABek bertan behera utzi du lan istripuei eman beharreko erantzun bateratua. Eta horrek asko zailtzen du etorkizunean elkarlanean aritu ahal izatea.

Bizkaiko etxez etxeko laguntza sektoreak greba eguna du, LABek deituta. Sektorean zazpi urte baino gehiago daramatzate hitzarmen barik. Salatu dutenez, patronalak zaintza-zerbitzu publikoa ematen duen sektorearen negoziazioa blokeatzen du.

Behin instalazioa eraikita, urtean 3.880 tona hidrogeno berde ekoitziko dira bertan, eta horien %90 inguru zonako energia-kontsumo handiko industria nagusien kontsumorako bideratu nahi dira. Gainerako %10, berriz, garraioaren sektorera bideratuko da, kokapen berean hidrogenera bat instalatuta.

Osakidetzako azpikontratatutako garbiketa zerbitzuko langileek astebeko greba hasi dute, LAB, UGT, CCOO eta ESK sindikatuek deituta. Euren aldarrikapena Osakidetzako beharginei aplikatzen zaizkien baldintzan aplikatzea da, homologazioa printzipioan oinarrituta. Bi urte daramatzate lan gatazka konpontzeko asmoz, Osakidetzari bitarkaritza eskatzen, baina salatu dutenez, ez dute erantzunik jaso. Hala, erakundearen zuzendaritzari erantzunkizuna exigitzen diote.

Kutxabankeko greba historikotzat jo dute sindikatuek. Sindikatuen arabera, lanuztearen jarraipena %90ekoa izan da Araba, Bizkaia eta Gipuzkoan, eta %100ekoa Nafarroan.
Lehendabiziko aldia da sindikatu guztiek grebara deitzen dutela. Hala, ELA, CCOO, Pixkanaka, ALE, LAB eta Asprobank sindikatuek langileek bizi duten muturreko egoeraz ohartarazi dute.

Larunbatean, 2022ko urteko balantzea egiteko Kutxabankeko goi karguak bilduko direnez Kurtsalean, horren atarian protesta egingo dute. Kutxabankeko zuzendaritzak euren aldarrikapenak aintzat hartzea espero dute eta negoziazioa abiaraztea. Egoera konpondu ezean, mobilizazio gehiago iragarri dituzte langile falta eta presioa salatzeko.

242 langileri eragiten die gutxienez hilabetez. Enpresak ez du lortu Airbusen modelorako beharrezkoa den titaniozko forjaketarik. Langile bakoitzak bederatzi langabezia-egun gastatuko ditu, baina ordu horiek lanaldi desberdinetan banatuko dira, lanorduak murriztuta. Plantillak beste aukera bat dagoela dio eta negoziazio mahian eseriko da zuzendaritzarekin.

Espainiako Kongresuak atzera bota du, ERCk aurkeztutako mozioa; 222 diputatuk bozkatu dute mozioaren aurka, eta soilik 55ek alde. EH Bilduk, ERCk eta Unidasek Podemosek bozkatu dute alde, besteak beste, baina PSOEk aurka egin du, PP eta Ciudadanosekin batera.

Gaur egun, bidegabeko kaleratzeagatik 33 eguneko soldata ordaintzen da lan egindako urte bakoitzeko, gehienez 24 hilabetez. ERCren proposamena 33 egunetik 45era luzatzea zen.

Martxoan EH Bildu, ERC eta BNG alderdiek egindako lege proposamena eztabaidatuko dute Diputatuen Kongresuan.