Osakidetzak 3.727 plaza gehitu ditu egonkortze prozesuan. 3.723 plazetatik 1.557 merezimendu-lehiaketa bidez ebatziko dira. Martxoaren 28an iragarritakoak baino ia 900 plaza gehiago dira, 2.842 plaza, 503 merezimendu-lehiaketa bidez.

Diru-sarrerak Bermatzeko eta Gizarteratzeko Sistemaren etorkizuneko legearen aurreproiektua onartu du Eusko Jaurlaritzak. Legebiltzarren da testua dagoeneko, eta 2023an martxan jartzea nahi du Jaurlaritzak.

E-Mobility plantako langileak greban daude, apirilaren 25ean ekin zioten lanuzteari lan baldintza duinen alde. Irizar Taldeko lantegiko beharginek lan hitzarmena berritzeke dute, baina langile-batzordeko kideek azaldu dutenez, zuzendaritzak ez du borondaterik ituna negoziatzeko.

Errealitatea agerian, nolakoak dira egungo lan baldintzak? Zein iritzi dute bilbotarrek lanaren inguruan? Lana egon badago? Nolakoa eta zein preziotan? Aiara de Urreta berriemailea Bilbon aritu da herritarrei lanaz duten iritziaz galdezka.

Soldaten, pentsioen eta gizarte laguntzen erosahalmena defendatzeko mobilizazioak antolatu ditu Euskal Herriko Eskubide Sozialen Gutunak maiatzaren 26rako. Iruñean, Bilbon, Donostian eta Gasteizen egingo dira mobilizazioak, arratsaldeko 19:00etan.

X. Biltzar Nagusia egingo du LAB sindikatuak ekainaren 16an eta 17an, Baiona-Miarritzen, 'Bagara bagoaz' leloarekin, eta eskualdez eskualde hautatutako 500 kide bilduko ditu osoko bilkurak. Hala iragarri dute Garbiñe Aranburu idazkari nagusiak eta Igor Arroyo idazkari nagusi ondokoak. "Biltzar Nagusiaren prestaketan aritu gara ikasturte osoan zehar. Entzunketa ariketa egin dugu gure militantziarekin ponentzia idatzi aurretik. Orain ponentziaren inguruko eztabaidari ekingo diogu" adierazi dute.

Zuzendaritzak hainbat proposamen berritzaile egingo dizkie afiliatuei, tartean, zuzendaritza-eredu berria proposatuko du. Idazkaritza nagusiaren kargua desagerrarazi eta bi koordinatzaile orokor izango ditu aurrerantzean LABek: Garbiñe Aranburu egungo idazkari nagusia eta Igor Arroyo haren ondokoa.

Euskal Herri osoan zehar zabaldu dira Maiatzaren Leheneko manifestazioak igandean. Hiriburuetan izan dira nagusiak, eta eguerdi partean gehienak, nahiz eta arratsaldean ere izan diren mobilizazioak.

Euskal gehiengo sindikala kalera atera da maiatzaren lehenean. Langileen aldeko aldarrikapenak ozen adieraziz, zaintza lanen, enpleguaren eta aberastasunaren banaketarako neurriak eskatu ditu LABek. ELAk, bere aldetik, lan eta gizarte prekarietatearen eta bizitzaren garestitzearen salaketa izan du ardatz maiatzaren lehenean. Bestalde, soldaten igoera, berdintasun gehiago eta prezioak mugatzea aldarrikatu dute CCOOk eta UGTk.