Image

Ekonomia

All Stories

Enobusa bueltan da, Arabako Errioxa ezagutzeko ekimena

Azaroaren 26tik apirilera arte Gasteiztik eta Bilbotik sei irteera programatu dira Arabako Errioxara. Upategi, wine-taberna, hiriburuak eta zenbait gune turistiko bisitatuko dira ekimen honi esker.Enobusa bidaia guztietan goizeko bederatzietan irtengo da Bilbotik, ondoren, Gasteizen bidaiari gehiago hartuko ditu eta arratsaldean izango da buelta. Bisita osoa 32 euro izango dira.

Glovorentzat lan egindako 207 bizikleta banatzaileak soldatapekoak direla ebatzi du Iruñeko epaitegi batek

Iruñeko gizarte arloko lehen aretoak ebatzi duenez, 2018ko abuztutik 2019ko urrira arte, Nafarroan, lan egin duten banatzaileak ez dira autonomoak, beraz, Glovo behartu egingo du Gizarte Segurantzako Erregimen Orokorreko kotizazioak pagatzera.

Iaz beste epaiketa bat izan zuten eta Auzitegi Gorenak ebatzi zuen Glovorentzat lan egiten duten banatzaileak autonomo faltsuak direla. Berta Garciak LABeko Zerbitzu arloko arduradunak gaineratu duenez, epe horretatik kanpo diren langileei ez die eragingo, eta gaineratu du beste auzi bat ireki beharko dela 2019ko urritik iaz legea kaleratu arte lan egin zuten banatzaileen lan harremana erreklamatzeko.

Garraio sektore grebaren eragina txikia izaten ari da Hego Euskal Herrian

Garraioaren Defentsarako Plataformak greba mugagberara deitu deitu garraio sektoreko langileak. Hala ere, Hego Euskal Herrian lanuztearen eragin txikia izaten ari da. Izan ere, Hiru eta Tradisna, hegoaldeko garraiolarien sindikatu nagusiak, ez dira protestara batu. Adibidez, Bilboko Portuan normaltasun osoa dago, Hiru sindikatuaren arabera.

Absolbitu egin dute Aintzane Mendia Tubacex-eko langilea

15 hilabeteko espetxe zigorra ezarri nahi zioten 2021eko ekainean Tubacex-eko greba mugagabearen testuinguruan elkarretaratzeengatik. Agintaritzaren kontrako atentatua leporatu eta egozten zioten ertzain bati ukabilkada ematea bularrean. Astelehen honetan izan da epaiketa Gasteizen eta mobilizazioa antolatu zuten Tubacex-eko langileek eta Salatutako langileen plataformak. Ostiralean iragarri dute absolbitu dutela eta ez du zigorrik jasango.

VW Nafarroak albiste ontzat hartu du ibilgailu elektrikorako PERTEaren ebazpena

Auto elektrikoa fabrikatzeko 397 milioi laguntzen zati bat Landabenera bideratuko duen PERTE onartu ondoren, lantegiko zuzendaritzak "Etorkizuneko Plana" iragarri du, proiektu industrial eta sozialaren oinarriak jasoko dituena. Igor Peñalver Volkswageneko ELA sindikatuko ordezkariak, albiste ontzat hartu du VEC PERTEaren ebazpena.

Ibermaticako grebaldia arrakastasua izan da, sindikatuen arabera

Ibermaticako Donostiako, Zamudioko eta Gasteizko langileek greba egin dute, ELA, CCOO eta UGT sindikatuek deituta. Guztira 1.800 langile ditu Euskal Herrian, baina gehiago ditu kanpoan 4.000 inguru guztira. Beharginen gehiengoak lanuztearekin bat egin du. Informazioen teknologietako euskal enpresarik handiena da Ibermatica, urtarrilean hasi zuten Ibermaticako hitzarmen kolektiboa negoziatzen, baina gertakari batek elkarrizketak baldintzatu ditu: ekainean, Sevillako Ayesa taldeak konpainia erosteko akordioa erdietsi zuen oraingo jabeekin. Sindikatuen esanetan, Ayesak duen kontsultoria hitzarmenera pasatuko dituela mehatxua egin ditu.
hamaika telebista

11 laguntzaile

Image