Image

Ekonomia

All Stories

Pentsioen erreformaren aurkako zentsura-mozioak porrot egin du

Emmanuel Macron Frantziako presidentearen aurkako oposizioak porrot egin du pentsioen erreforma bertan behera uzteko ahaleginean. 287 boto behar ziren mozioek aurrera egiteko, eta aldeko 278 jaso ditu.

Frantziako zentsura mozioa gainditzeak esan nahi du onartuta geratu dela Ipar Euskal Herrian eta Frantzian pentsioen adina 62 urtetik 64ra atzeratzen duen legegaia. Parlamentuko bidea agortuta, bi bide bakarrik geratzen zaizkie: Konstituzio Kontseiluan errekurtsoak aurkeztea eta bederatzi hilabeteko epean erreferendumaren deialdia behartzeko behar diren 4,87 milioi sinadurak biltzea.

Baina bi bide horiek luze joko dutenez, protestaren karta jokatzen jarraituko dute erreformaren aurkakoek.

Pentsio erreformaren aurkako protestek etenik ez eta bi zentsura mozioak aurkeztuta

Pentsio erreformaren aurkako protestekin jarraitzen dute sindikatuek iparraldean zein Frantziako lurralde osoan. Krisi sakona eragin du Macronen Gobernuak aurrera atera nahi duen pentsio erreforma, txaleko horien gatazkak eragin zion onarpen maila eskasa baino okerragoa ekarrita. Parisko Asanblea Nazionalean hasi dira aztertzen Parisko Gobernuaren aurka jarritako zentsura mozioak.

Pentsiodunek EH Bilduri kritika egin diote Madrilgo Gobernuaren erreformari babesa emateagatik

Euskal Herriko Pentsiodunen Mugimenduak ozen aldarrikatu zuen larunbatean Escriva ministerioaren erreforma ez dela nahikoa. Astebeko baraua eta itxialdiari amaiera emateko, manifestazio jendetsua egin zuten Bilbon. 1.080 euroko gutxieneko pentsioa berehala ezartzea eskatu zioten Madrilgo Gobernuari. Eusko Jaurlaritzari eta Nafarroako Gobernuari ere leporatu zioten 1.080 eurotik beherako pentsioak hobetzeko mekanismoak ez aktibatzea. EH Bilduri ere egin zioten kritika Espainiako Gobernuaren erreformari babesa emateagatik.

Erreforma "ziztrina" dela salatzeaz gain, Madrili gezurra esatea leporatu diote pentsiodunek

Madrilgo Gobernuaren pentsio erreformak ez duela 1080 euroko gutxieneko pentsioa bermatzen salatu du Hego Euskal Herriko Pentsiodunen Mugimenduak. Pentsiodunen ustez, erreforma ziztrina eta zekena da. Gainera, Madrilgo Gobernuari leporatu diote gezurretan ibiltzea, sasi egiak, gezur ustelak baitira. Haserre daude pentsiodunak, hala, larunbatean astebeteko barua eta itxialdiarekin bukatzeko, manifestazioa masiboa egingo dute mugimenduak Bilbon.

Eskubide Sozialen Kartak bat egin du EHko Pentsiodunen Mugimenduak deitutako mobilizazioarekin

Pentsioen aldeko mobilizazioa egingo dute martxoaren 18an Bilbon eta Euskal Herriko Eskubide Sozialen Kartak bat egingo duela iragarri du. Espainiako Gobernuak aurkeztuko duen pentsio erreformaren kontra agertu da, elkartearen ustez erreformak ez duelako konponduko pentsioen arrakala eta pentsioen igoerak “guztiz ez nahikoak” direlako. Horregatik, bat egin du Euskal Herriko Pentsiodunen mugimenduak 1.080 euroko gutxieneko pentsioa eskatzeko antolatu duten ekimenarekin.

Elkarteak, gutxieneko soldata 1.260 eurotara arte handitzea eskatu du. Azkenik, mobilizazioan parte hartzeko deia luzatu diote euskal jendarteari.

Siemens Gamesak itsasoko eolikoen lehen zentroa irekiko du Euskal Herrian

Bizkaiko eta Nafarroako egoitzetan jarriko du martxan gune hori. Zehazki, Zamudion eta Sarrigurenen. 2025erako zentroak 50 langile izango ditu. Ingeniaritza eta kudeaketa-profila duten langileek beteko dituzte lanpostu horiek. Itsas eolikoaren etorkizuneko garapenera bideratzeaz gain, Siemens Gamesak herrialdean duen ikerketa eta garapenerako gaitasuna indartuko du.

Osakidetzako garbiketa azpikontratetako langileek bi asteko greba iragarri dute

Osakidetzako garbiketa azpikontratetako langileek bi asteko greba iragarri dute. Martxoaren 20tik apirilaren 2ra arte lanuztea egingo dute, LAB, UGT, CCOO eta ESK sindikatuek deituta. Euren lan baldintzak osasun zerbitzu publikoko langileekiko homologatzea aldarrikatzen dute. Hala, Osakidetza eta garbiketa zerbitzuko enpresa interpelatzeko protesta gehiago egingo dituzte. Era berean, Jaurlaritza erantzunkizuna eskatzen diote. Ohartarazi dutenez, sektoreko maskulinizatuetako gatazketan bitartekari lanak egiten dituen bitartean, emakumeak protagonista direnean albo batera begiratzen du Jaurlaritzak.
hamaika telebista

11 laguntzaile

Image