Image

Ekonomia

All Stories

Sindikatuek Osasuneko mahai sektorialetik alde egin dute, Osakidetzaren jarrera inposatzailea eta negoziatzeko jarrera falta direla eta

ELAk, SATSEk, LABek, SMEk, CCOOk eta UGTk Osasuneko mahai sektorialaren bilera utzi dute. Sindikatu horiek salatu dute Osakidetzak uko egiten diola negoziatzeari, bai eta sindikatuek behin eta berriz proposatzen dizkioten gaiei buruz negoziatzeari ere, eta gai horiek zuzenean eragiten dietela langileen lan-baldintzei.

Osasun Sailak eta Osakidetzak “ordutegi jakin batzuen doikuntzak” onartu dituzte astelehen honetan Lehen Mailako Arretan, baina “puntualak” direla adierazi dute, harik eta “kargua uzten duen profesionalaren absentziaren egoera koiunturala” izan arte. Osasun Sailak adierazi du absentziak, batez ere, medikuaren bajengatik, oporrak eskatzeagatik eta baimen pertsonaleko egunengatik izan direla.

Hala ere, egoera hori gorabehera, Lehen Mailako Arretan langileak indartzeko neurriak hartzen jarraitzen dutela ziurtatu dute, 2019an abian jarritako estrategiari jarraituz.

ELAk, SATSEk, LABek, SMEk, CCOOk eta UGTk benetako negoziazioa eskatu diote Osakidetzari, langileen lan-baldintzak hobetzeko, eta ohartarazi dute, negoziaziorik eta edukirik ez dagoen bitartean, ez direla berriro Mahai Sektorialera joango.

Bizkaiko erresidentzietako langileek urrian deitutako hirugarren eta azken greba eguna izan dute

Grebalariek Bizkaiko Foru Aldundiaren aurrean egin dute kontzentrazioa. Guztira, bederatzi greba egun izan dira patronalek asistentziaren kalitatea hobetzeari eta langileen lan baldintzak hobetzeari uko egin ziotenetik. Sindikatuak egindako kalkuluen arabera, Eusko Jaurlaritzak 2019an ratioei buruzko dekretua onartu zuenetik, 2.376 zerbitzu ordu galdu ditu, esaterako, ehun egoiliar inguruko zentro bizkaitar batek.

Besteak beste, soldatak KPIaren arabera igotzea, lanaldi osoko behargin gehiago jartzea, ordezkapenak lehen egunetik egitea, eta osasunaren zein berdintasunaren alorretan hobekuntzak egitea galdegiten du ELAk.

Hiru jardunaldi horien arrakasta ikusita, ELAk iragarri du mobilizazioak areagotuko dituela eredua aldatzeko eta langileen lan baldintzak hobetzeko. Halaber, salatu du gutxieneko zerbitzuak gehiegizkoak izateaz gain, greba hasi eta bederatzi ordu baino gutxiagora jakinarazi direla.

FVEM patronalaren blokeoaren aurrean, sindikatuek grebara deitu dute Bizkaiko metalgintzan

Bizkaiko metalgintzan lan hitzarmena negoziatzen ari dira sindikatuak eta FVEM patronalen elkartea. Dagoeneko hamabi batzar eduki dituzte bi aldeek, hala ere, sindikatuen esanetan, patronalak ez du borondaterik negoziatzeko, negoziazioa blokeatu baitu. Joan den astean bildu ziren azkenekoz, eta FVEMek proposamen berririk ez zuela eraman ohartarazi zuten sindikatuek. Egoera horrela, gehiengo sindikalak grebara deitu ditu Bizkaiko metalgintzako 52.000 langileak urriaren 27rako, 28rako eta azaroaren 2rako.

ELA: 'Errenta handiago dutenek eta enpresek irabazien zati handiagoa ordaindu behar dute'

Espainiako Gobernuak zenbait neurri fiskal iragarri zituen joan den astean, aberastasun handien gaineko zerga eta sozietate zerga, besteak beste. Hala ere, neurri horiek ez dute eraginik izango Hego Euskal Herrian. Edonola ere, Erreforma fiskalaren eztabaida piztu da. Bada, Erreforma fiskala eskatu die ELAk Jaurlaritzari, Foru Aldundiei eta Nafarroako Gobernuari. Enpresek sozietateen gaineko zergan gutxienez %25 ordaintzea exigitu du sindikatuak.

Bizkaiko metalgintzan hiru greba egunetara deitu dute LAB, CCOO, UGT eta ELAk

Bizkaiko metalgintzan lan hitzarmena negoziatzen ari dira sindikatuak eta FVEM patronalen elkartea. Dagoeneko hamabi batzar eduki dituzte bi aldeek, hala ere, sindikatuen esanetan, patronalak ez du borondaterik negoziatzeko. Joan den astean bildu ziren azkenekoz, eta FVEMek proposamen berririk ez zuela eraman ohartarazi zuten sindikatuek. Egoera horrela, LAB, ELA, CCOO eta UGT sindikatuek grebara deitu dituzte Bizkaiko metalgintzako 52.000 langileak urriaren 27rako, 28rako eta azaroaren 2rako. Asteazkenean iragarri zuten lanuztea, eta gaur deialdiarekin bat egin du ELAk.
hamaika telebista

11 laguntzaile

Image