Euskal Herria

All Stories

100 positiboetatik behera laugarren egunez Nafarroan

Nafarroako Gobernuaren datuen arabera, atzoko egunean 92 koronavirus kasu zenbatu ziren. Laugarren egunez 100 kasuetatik behera mantendu da foru erkidegoa. Herenegun baino 26 kasu gehiago dira, hala ere aurreko asteko datuekin konparatuz beherakada nabaria izan da, 134 kasu zenbatu ziren eta.

Araba, Bizkaia eta Gipuzkoako 125 udalbatzek euskal presoak hurbildu behar direla berretsi dute

Iragan urteko abenduaren 11n, Bilboko Euskalduna jauregian euskal presoak Euskal Herriratzeko adierazpena aurkeztu zuen Etxerat elkarteak. Deklarazio hori Araba, Bizkaia eta Gipuzkoako 125 udalbatzek berretsi dute, eta hala, euskal presoak hurbiltzearen alde eta hainbat hamarkadatan aplikatzen ari zaien salbuespen-legediaren ordez legeria arrunta ezartzearen alde egin dute.

Jaurlaritzak erdi-askatasuneko erregimena sustatuko du espetxe eskumena sinatuta

Duela 41 urte Gernikako Estatutuan aurreikusitako transferentzia da kartzeletakoa, eta behin astelehenean espetxe eskumena sinatu ostean, Jaurlaritzak jada bidali du Legebiltzarrera ‘EAEn espetxe-eredua ezartzeko oinarriak’ dokumentua. Txostenak jasotzen du Arabako, Bizkaiko eta Gipuzkoako espetxe eredu berriak erdi-askatasuneko erregimena sustatuko duela.

13/13 auzia bertan behera uzteko eskatu du defentsak

13/13 prozesuan auzipetutako zortzi herritarren abokatuek prozedura bertan behera uzteko eskatuko dute. Auzia uztailaren 12an hasiko da, baina abokatuek nabarmendu dute "oinarrizko eskubideen urraketa larri ugarri" izan zirela: atxilotuen torturak, CNIren legez kanpoko entzuketak eta kausa beragatik berriro epaitu nahi izatea, besteak beste.

Lau eskumenen transferentzia sinatu dute Espainiako Gobernuak eta Jaurlaritzak

Jaurlaritzako eta Espainiako Gobernuko ordezkariak gaur goizean bildu dira 4 transferentzia sinatzeko. Akordio horren bidez, Arabako, Bizkaiko eta Gipuzkoako espetxeen kudeaketari lotutako eskumenen, errepide garraioaren, ISSN kode bibliografikoaren eta Ondarroako Itsas Barrutiko eraikinaren eskualdaketa onartu dute.
hamaika telebista

Image