Euskal Herria

All Stories

Carmen Alba (NA+) Iruñeko zinegotzia eta udaltzain bat ikertuko dituzte 2019ko Txupinazoaren auziarengatik

Irailean instrukzio auzitegi batek Joxe Abaurrea abertzaleen koalizioko zinegotziarengan aurkako delitu zantzuak atzeman zituen, eta oraingoan maila goreneko epaitegi batek, Nafarroako Audientziak, Abaurreak berak eta Maider Belokik jarritako helegiteak onartu ditu.

Mugaz gaindiko euskarazko hedabideen elkarlana bultzatuko duen HEralDABIDE proiektua abian da

HEralDABIDE proiektua sortu dute Berria, Kanal Aldude, Antxetamedia eta Hamaika Telebistak elkarlanean eta Elhuyar Fundazioaren laguntza teknologikoa izango dute proiektua garatzeko. Elkarlan honen helburu nagusia mugaz gaindiko euskarazko hedabideen elkarlana bultzatzea da eraldaketa digitalerako urratsak bizkortzeko eta adimen artifiziala dakartzan hobekuntzak komunikazio-prozesuetan arrakastaz txertatzeko.

Osakidetzak 921 positibo berri atzeman ditu eta positibotasun tasa %5,9koa da

Azken 24 orduetan, Osakidetzak 921 positibo berri atzeman ditu, 15.486 test diagnostiko egin ostean eta positibotasun tasa %5,9koa da. Lurraldeka aztertuz: 151 kutsatze berri Araban detektatu dituzte, 479 Bizkaian, eta 281 Gipuzkoan. Osasun sistemei dagokienez, COVID-19 gaitzak jotako 95 pertsona ospitaleratu zituzten atzo EAEn. Guztira, 574 daude jada ospitaleetan. eta atzoko datuen arabera, 162 gaixo daude ZIUetan.

“Herri bat gira, mugarik ez! Indar okupatzaileak, kanporat!” lelopean manifestazioa egingo dute bihar Baigorrin

Baigorriko herritar talde batek deituta “Herri bat gira, mugarik ez! Indar okupatzaileak, kanporat!” lelopean manifestazioa egingo dute bihar, otsailaren 6an. Mobilizazioa 15:30ean abiatuko da elizako plazatik. Urtarrilaren 14az geroztik, Pirinio-Atlantikoetako prefekturak agindurik, Ipar eta Hego Euskal Herriaren arteko zortzi pasabide itxita daude, horien artean Izpegikoa.

Bigarren egunez jarraian 200 positiboen langatik gora kokatu da Nafarroa

Ikastetxeen egoerari dagokionez, Ikasturtea hasi zenetik ikasle eta irakasleen %7ak eman du positibo koroabirusarengatik. Haur, Lehen eta Bigarren Hezkuntza eta Batxilergoko ikasleen artean gabonetako oporrak hasi zirenetik, abenduaren 17tik, kutsatze kasuak % 30 hazi dira, 5.692 izatetik 7.439 izatera.

Indarkeria matxistaren biktimentzako erreparaziorako gida aurkeztu dute Emakunde eta EUDELek

EUDELek eta Emakundek estatu mailako lehen gida sustatu dute, biziraun duten emakume biktimei eragindako kaltea konpontzeko ekintzak garatzeko udalerrietan. Tresna horrek oinarrizko jarraibideak eskainiko dizkie udaletako arduradun eta teknikoei, tokiko esku-hartzean erreparazioaren ikuspegia garatzeko. Era berean, euskal udal batzuk azken urteotan abian jartzen ari diren ekimenak jaso ditu, ildo horretan pausoak nola eman daitezkeen erakusteko adibide gisa.
hamaika telebista

Image