Gaur inauguratu dute ETAren biktimak oroitzeko memoriala, eta elkarte memorialistek "diskriminatzailetzat" jo dute.
Euskal Herria
All Stories
Ibilgailuen konponketarako tailerretako lan-hitzarmena ez dute berrikusi duela bi urtetik eta langileek eta patronalak hori aldatzeko negoziazio mahaia jarri dute martxan. Gaur Nafarroako Gobernuari eskatu diote bertan parte har dezala, eta euren eskakizunak bidera ditzala.
LABIren Aholku Batzordea gaur arratsaldean bilduko da koronabirusaren aurkako neurriak berraztertzeko. Bilera horretan pandemiaren bilakaera aztertuko dute eta koronabirusaren hedapenari aurre egiteko indarrean dauden neurriak malgutzen dituzten ala ez erabakiko dute.
Corrugados auziaren harira, jendetza bildu zen larunbatean Azpeitian, Nagore Alkorta alkateari babesa emateko. Alkortak izan duen jarrera txalotzeaz gain, jaso dituen erasoak salatu nahi izan zituzten.
Hilabeteetako ibilbidearen ostean, asteburuan amaitu da aurtengo Harrapazank programa. Oraindik ere pandemiak baldintzatuta, baina iragan urtean ezinezko izan ziren alderdi batzuk berreskuratu ditu aurtengoak; hala nola, asteburu honetan ospatu diren eszena talentu lehiaketaren aurrez-aurreko galak.
Ostiral eta larunbatean, finalistek euren ikuskizunak publikoaren aurrean erakutsi dituzte BilboRock aretoan. Bi galatan banatu dute finala, junior kategoriakoak aritu dira ostiralean eta seniorrak larunbatean. Aforoa mugatuta eta segurtasun neurri zorrotzekin, aurreko urteetan bezala, publikoarekin egin ahal izan dituzte.
Hilabeteotan zehar aukera eman die Harrapazank-ek Bilboko gazteei aisialdi denbora euskaraz gozatzeko. Tailer, erronka eta bestelako proposamenak bota dizkiete eta talentu lehiaketan hobeto egiten dakitena erakusteko aukera izan dute. Asteburuan kategoria bakoitzeko hamar talde edo artistek Harrapazankeko coach-ekin landutako ikuskizuna erakutsi eta 500 euroko saria eta Goazen telesailaren kastingean parte hartzeko aukera irabazi ahal izan dute gazteek.
"Euskarak murgiltzea behar du!" lelopean abiatu zen manifestazioa euskalgintzako eragileek eta Ipar Euskal Herriko hautetsiek deituta, hizkuntza gutxituak babesteko legea partzialki atzera botatzeko erabakia gaitzesteko.
Duela bost urte hasi zen garatzen ideia eta bi urtez geldirik egon ostean Labriteko ibilbide jasangarriaren proiektua aurkeztu du Iruñeko Udalak.
Larunbatean Euskal Herriko Pentsiodunen Mugimenduak deituta mobilizazioak egingo dira pentsio publiko eta duinen defentsan. Hego Euskal Herriko hiriburuetan eta hainbat herritan manifestazio jendetsuak espero dituzte antolatzaileek. Izan ere, hainbat kolektibok - eragile sindikal, sozial eta politikoak, besteak beste - bere egin dituzte pentsiodunek azken hiru urteetan zabaldu dituzten eskaerak. Gauzak horrela, Euskal Herriko Pentsiodunen Mugimenduak zein hainbat kolektibok herritarrei protestetan parte hartzeko deia egin diete.
Nabarmentzen ari da beheranzko joeraren apaltzea. Izan ere, Hego Euskal Herrian kutsatzeen gutxitzea ez da hain nabarmena izan azken egunotan. Ipar Euskal Herriko pandemiaren bilakaera ikusita, berriz, egonkortzen ari da egoera. Halere, Zuberoan alarma piztu dute osasun arduradunek.
- Euskaraz ikasi eta bizitzearen aldeko eskariak areagotu dira Ipar Euskal Herrian
- Ernaik nabarmendu du polizia gehiegikeriak salatzea ezin dela gorroto delitua izan
- Osakidetzako garbitzaileak berriro mobilizatu dira, lan-baldintza duinen defentsan
- BBVAko langileek greba egin dute zuzendaritzak iragarritako kaleratzeak salatzeko
- Murgiltze eredua bermatzeko eskatu diote euskalgintzako eragileek Emmanuel Macroni
- Joseba Compains: "Gertakari historikoa herria burujabetzaren alde mobilizatzeko palanka da"
