Aurrekontuen gaineko osoko zuzenketak atzera botata, zuzenketa partzialen negoziazioa hasi du Madrilgo Gobernuak. Harira, Idoia Mendia lehendakariorde sozialistak gaur goizean Radio Euskadin adierazi duenez, Euskal Herria Bilduk "bere ibilbide historikoaren osoko zuzenketa bat egin du", Espainiako Aurrekontu Orokorren aldeko boto bat aurreratuz "gratis et amore". Debalde, alegia.

Madrilgo eta Lauako Gobernuak bete betean sarturik daude datorren urteko aurrekontuen negoziaketetan. Negoziaketa hauen baitan, EH Bildu protagonista bihurtu da. Nahiz eta EAJ eta PSEren gehiengoarekin Eusko Jaurlaritzak aurrekontuak arazorik gabe aterako dituen, EAJak Madrilen duen prestutasun bera Euskadiko aurrekontuak onartzeko ere izan beharko lukela aurpegiratu dio Bilduri. Izan ere, Jeltzaleek aurrekontuen akordio zabala lortu nahi omen dute.Horren aurrean, Maddalen Iriarte, EH Bilduren bozeramaileak adierazi du Lehengoari eusteko bada EH Bildu ez dela aurrekontuen akordioan egongo.

Pfizerreko zuzendari nagusiak bere akzioen %62 saldu zituen txertoa iragarritakoan. Hala, 4,76 milioi euro poltsikoratu zituen botika etxeko buruak. Enpresaren arabera, salmenta hori erabakita zegoen abuztuaren 19tik. Astelehena ospakizun eguna izan zen Pfizer botika etxe estatubatuarraren egoitzan. Izan ere, haien arabera kasuen %90etan eraginkorra den txertoa iragarri zuten. Albert Bourla konpainiako zuzendari nagusiak, ordea, bazuen ospatzeko beste arrazoi bat ere.

Drogen eta Adikzioen Europako Behatokiak kaleratu berri duen txostenen arabera, droga erabiltzaileen kontsumo ohiturak aldatu egin dira izurriarekin. Kokainaren eta anfetaminen kontsumoa gutxitu egin da pandemia hasi zenetik, eta kalamua eta psikofarmakoak, aldiz, gehiago kontsumitzen dira. Testuinguru honetan, pandemiaren aste gogorrenetan ere zerbitzuari eusteko apustua egin zuen Ai Laket elkarteak.

Azken asteetako kutsatzeen eragina nabarmena da erietxeen okupazioan. Azken datuen arabera, oraintxe bertan 132 gaixo daude ZIU zainketa intentsiboetako unitateetan. eta COVIDaren ondorioz 73 pertsona ospitaleratu ziren atzo. Orotara, 496 norbanako daude Osakidetzan ospitaleratuta. Ospitaleetako egoera larriagotzen ari dela ikusirik, instituzioak neurriak hartzen ari dira, ezinbestean. Eusko Jaurlaritzako Osasun sailburu Gotzone Sagarduik jakinarazi duenez, Araban, Bizkaian eta Gipuzkoan ospitaleetako kontingentzia planaren hirugarren fasea aktibatu dute. Gutxienez 45 ohe gehiago bideratuko dituzte ZIUetara datorren astelehenetik aurrera, eta premiazkoak ez diren ebakuntzak atzeratu egingo dituzte.

Herri-harremanetarako kontseilariak sare sozialen bidez jakinarazi du Nafarroako Ospitale Gunean ospitaleraturik dagoela koroabirusak eragindako aldebiko pneumonia dela eta.

Alkateak azpimarratu du ez lukeela ulertuko aurrekontuak aurrera ez ateratzea. Kontuak onartzeko asmoz, PSN eta Geroa Bairekin bildu da Maia eta esan du Euskal Herria Bildurekin ez dela batzartuko, hala esan zuelako.

Duela bi aste indikatzaile hau %20,9koa zen eta gaur %5,9koa. Neurri murriztaileen osasun eragina positiboa dela berretsi dute datuek gaurkoan, osotara 233 positibo zenbatu dituzte 3.918 proba egin ostean.