Euskal Herria

All Stories

Plataforma digitaletako 400 banatzaile inguru daude erregistraturik Nafarroan

Salatu dute erregistratutako langile gehienek ez dituztela 7 hilabete baino gehiago igarotzen lanean autonomoen tarifarengatik. Gainera, salatu dute alokatutako lizentzien auziak baimentzen duela erregulaziorik gabeko beharginen parte-hartzea, hau da, lizentzia duen banatzaile batek beste banatzaile batzuekin partekatzen du bere aplikazioko profila, eta horren truke, irabazitakoaren parte bat banatzen duela horiekin.

Koronabirusaren izurriak makina-erremintaren sektorean ere gogor jo du

Makina-erreminta sektoreak galera handiak izan ditu. Urkulluren Gobernuari laguntza gehiago eskatu dio sektoreko federazioak, hark, ordea, ez du ondo hartu eskabidea. Sektoreak %21,4ko beherakada izan du Hego Euskal Herrian fakturazioan, eta esportazioak %22,4 erori dira.

Azken astean 71 hildako izan dira EAEn koronabirusa dela eta

Gaur, Ertzaintza txertatzen hasi dira Astra Zeneka txertoarekin. 4.500 izango dira, 55 urtez azpikoak. Ondoren, udaltzain eta adinekoen zaintza etxeetako langileen txanda izango da. Testuinguru honetan, Eusko Jaurlaritzak argitaratutako txostenaren arabera, azken 24 orduetan 499 positibo berri atzeman ditu Osakidetzak, 10.874 test diagnostiko egin ondoren. Beraz, kopuru hori aintzat hartuz positibotasun tasa %4,58koa da.

Eskuin muturrekoek migratzaileen aurkako protesta egin dute Urruñan eta istiluak izan dira

Eskuin muturreko alderdiko 20 bat kidek migratzaileen aurkako protesta bat egin dute Urruñan. Hainbat eragile antifaxistak, ordea, kontra-manifestaziora deitu zuten haiei aurre egiteko, eta istiluak izan dira Frantziako Poliziarekin. Bien bitartean, Ipar eta Hego Euskal Herriaren arteko muga pasatzeko, etorkinek izugarrizko arazoak dituztela salatu du Irungo Harrera Sareak.

Bizkaia eremu gorritik laranjara igaro da

Azken 24 orduetan 9.565 test diagnostiko egin dituzte Araba, Bizkai eta Gipuzkoan. Horietatik 453 positibo eman dute. Badirudi koronabirusaren egoera epidemiologikoak hobera egin duela. Lurraldeka aztertuz, Bizkaiak du kasu gehien, azken egunean 293. Hala ere, eremu gorria utzi berri du, eta eremu laranjara igaro da Araba eta Gipuzkoarekin bat.
hamaika telebista

Image