Euskal Herria

All Stories

Hiru, begiradarekin makinak aktibatzen dituen lehen plataforma anitzeko gailua

Operatzen ari diren gaixo baten historian sartzeko edota begirada hutsarekin kutxazain bat edo igogailu bat aktibatzeko gai da Hiru jarraipen sistema. Donostian egoitza duen Irisbond enpresak sortu du, eta sistema eragile ezberdinekin bateragarria den gisa horretako lehen gailua da.

Osakidetzak "irregulartasunak" egin dituela ohartarazi dute EAEko Lan Ikuskaritzak eta Osalanek

Langileen segurtasun eta osasun alorrei dagokienez, Osakidetzak «irregulartasunak» egin dituela ohartarazi dute EAEko Lan Ikuskaritzak eta Osalanek txosten batean. SATSE Euskadiko Erizainen Sindikatuak egindako salaketa bat aintzat hartuta egin dute oharra. Zorrotza da Osakidetzari egiten dion kritika. Haren arabera, Osakidetzak ez du hartu neurri nahikorik COVID-19aren eraginez arriskuan dauden langileak babesteko, eta haiek birusarekin kutsatzeko duten arriskua ez du txertatu lan arriskuen ebaluazioetan. Hala, hilabeteko epean irregulartasunak zuzentzera behartu du Osakidetza.

Ostalaritzaren sektorearen egoerari aurre egiteko diru-laguntza bikoiztu du Nafarroako Gobernuak

Gaur goizean batzartu dira ostalarien bozeramaileekin Manu Ayerdi eta Elma Saiz kontseilariak. Foru agintaritzak horrela, 20 milioi eurora handitu du ostalaritzarako laguntzen nondik norakoa. Pandemiak gehien jo duen sektoreetako bati laguntzeko konpromisoa agertu du gaurkoan Foru Exekutiboak.

Mila pertsona baino gehiago bildu ziren Donostiako Metroaren proiektuaren aurka

Satorralaia herri mugimenduak deituta mila pertsona baino gehiago bildu ziren larunbatean Donostiako Metroaren proiektua behin betiko gelditzeko eskatuz. ‘Metrorik ez’, ‘metroa gelditu’ eta ‘Donostiak ez du metrorik behar’ bezalako leloak oihukatu zituzten manifestariek.

Beherakada izan da EAEn atzemandako koronabirus positibo berrien kopuruan

Jasotako azken datuen arabera, atzo 10.309 test diagnostiko egin zituzten, eta, haietatik, 801 positiboak izan ziren. Covid-19ko Batzorde Teknikoko koordinatzaileak nabarmendu du hartutako neurrien eragina nabaritzen hasi dela. Hala ere, Jonan Fernandezek zuhurtzia eskatu du, eta jakinarazi du aste honen amaieran, neurriak hartu zirenetik 15 egun pasa direnean, egoeraren ebaluazio bat egingo dela.
hamaika telebista

Image