Euskal Herria

All Stories

Foro Sozial iraunkorrak Mikel Zabalzaren kasua "gehiago" ikertu behar dela nabarmendu du

Mikelen Zabalzaren kasua oraindik argitu gabe beste kasu askoren artean dago. Foro Sozial iraunkorrak adierazpenak egin ditu bere hilketaren 35.urteurrenean, eta adierazi du gehiago ikertu behar dela. Era berean, salatu du kasua “zalantza eta informazio ezaren azpian gordeta" dagoela eta oraindik inork ez duela bere gain hartu gertatutakoaren erantzukizuna.

Azken 24 orduetan ia 500 kasu atzeman dituzte Araban, Bizkaian eta Gipuzkoan

Badirudi koronabirus positibo berrien kopurua gutxitzen ari dela. Osakidetzak argitaratutako azken datuen arabera, atzo, 7.290 test diagnostiko egin ziren, eta, haietatik, 499 positiboak izan ziren. Lurraldeka aztertuz, 50 Araban, 243 Bizkaian, 202 Gipuzkoan eta 4 Euskaditik kanpo bizi diren pertsonetan. Ipar Euskal Herrira begira, dendariek deituriko hirugarren elkarretaratzea egin zuten pasa den asteburuan Miarritzen.

Euskaraldian izen-emateko azken eguna bihar izango da

Ostiralean abiatu zen Euskaraldiaren bigarren edizioa eta abenduaren 4ra arte iraungo du. Izen-emateko azken eguna bihar izango da, baina behin-behineko datuen arabera oraingoz 147.000 lagunek eman dute izena Euskaraldian. Partaide horietatik %79k eman du ahobizi modura jarduteko izena eta %21 arituko da belarriprest rolean.

Atzokoan COVID19ak jotako 112 gaixo atzeman zituzten eta 84 larunbatean

Kurbaren joera beheranzkoa izan arren, positibotasunean izandako zerra-hortzak alerta piztuta mantentzen du foru erkidegoan. Izan ere ospitaletako presioak altua izaten jarraitzen du eta heriotza kopurua ere adierazgarria da, atzokoan esaterako COVID19ak eragindako 13 hildakoren berri eman zuten Osasunbideatik.

Hego Euskal Herrian emakumeek euren soldataren %37,81 bideratzen dute alokairura

Alokairuen prezioak eta arloaren gaineko politikak bolo bolo dabiltzan honetan, gaiaren gaineko azterketari heldu diogu. Izan ere, EAEn baino soldataren ehuneko apalagoa bideratzen dute Nafarrek alokairua ordaintzeko, eta gainera, urtez urte ehunekoa jaisten ari da. Horixe azaltzen du, besteak beste, Ipar Hegoak argitaratu berri duen txostenak. Nafarroa Garaian, EAEn bezala, emakumeak dira alokairuko etxebizitza baterako sarbidea zailagoa dutenak, euren soldataren %37,81 bideratzen baitute alokairura, gizonek baino 7 puntu gehiago.

Abian da Euskaraldia ariketa sozial erraldoia

Hasi da Euskaraldiaren bigarren edizioa. Gaur hasi eta abenduren 3ra arte, milaka izango dira ahobizi eta belarriprest rola hartuko duten herritarrak. Guztira 147.000 lagunek eman dute izena; beraz, parte-hartze handia izango du ariketak. Partaide horietatik %79k jardungo du ahobizi gisa eta %21k belarriprest gisa. Lurraldez lurralde, izena eman duten herritarren %9 Arabakoa da, %33 Bizkaikoa, %44 Gipuzkoakoa, %12 Nafarroakoa eta %2 Ipar Euskal Herrikoa. Aurten, gainera, aipagarria da Euskal Herritik kanpo bizi diren ehunka lagunek ere eman dutela izena Euskaraldian parte hartzeko.

hamaika telebista

Image