Azken orduan jasotako datuen arabera, EAEn 435 positibo berri atzeman dituzte, 6.467 test diagnostiko egin ondoren. Eta positibotasun tasa %6,7koa da. Lurraldeka aztertuz, Araban 45 kutsatu berri detektatu dituzte, Gipuzkoan 177 eta Bizkaikoak izan dira daturik txarrenak, 206 positibo berri atzeman baitituzte, 383ko intzidentziarekin. LABI aholku batzordea gaur bilduko da berriro, koronabirus pandemiaren egoera aztertzeko.
Euskal Herria
All Stories
Gaixo kopuruak nabarmen beherantz egin du neurri murriztaileak aplikatzen hasi zirenetik hilabete bat eta bi aste igaro direlarik. OStegunaz geroztik hainbat neurri malgutu dituzte baina Foru Zubia dela eta neurri nagusiak mantendu ditu Nafarroako Gobernuak, besteak beste ostalaritzaren itxiera, terrazak ireki dituzten arren; oinarrizkoak ez diren aktibitateak 21.00etan ixtea; perimetroagatiko itxialdia ala bilera pribatuak bizikideak direnei mugatzea.
Idoia Mendia lehendakariorde eta Eusko Jaurlaritzako Lan eta Enplegu sailburuak iragarri duenez, 2021ean 2030erako Enpleguaren Euskal Estrategia eta legealdiko Plan Estrategikoa onartuko dira. Horiek, LANBIDEn egingo diren aldaketekin batera, kalitatezko enplegua sortzeko funtsezko aldaketak izango dira.
Nafarroako Gobernuak eta Euskarabideko zuzendariak Euskararen Eguneko kanpaina aurkeztu dute gaur, eta 'Ahogozatu euskara' leloa izango du. Mikel Arregik azaldu du kanpaina irrati, markesina, kartel eta sare sozialen bidez zabalduko dela. Kanpainaren helburua izango da erakustea hizkuntzek gaitasuna dutela disfrutarazteko.
Txinak multilateralismoaren aldeko estrategia indartu du. Pandemiak behartuta modu birtualean egindako goi-bilera batean, Asia-Pazifikoko 15 herrialdek Eskualdeko Elkarte Ekonomiko Integrala sortzea adostu dute, ingelesezko sigletan RCEP deritzona. Munduko merkataritza libreko trataturik handiena bezala aurkeztu dute, eta, Joe Bidenek herrialdearen norabidea hartu bitartean, Ameriketako Estatu Batuak pisua galdu du Txinaren mesedetan. Asier Blas analista geopolitikak bizi duen trantsizioaz aritu da.
EAEn 624 positibo berri atzeman dituzte, 11.233 test diagnostiko egin ondoren. Positibotasun tasa % 5,5ekoa da, ostegunean baino puntu erdi gutxiago. Lurraldeka aztertuz, Araban 85 kutsatu berri detektatu dituzte, Bizkaian 224 eta Gipuzkoakoak izan dira daturik txarrenak, 307 positibo berri atzeman baitituzte. Azpimarratzekoa da gainera, Bizkaia eremu gorritik kanpo dagoela. EAEk hobera egin du azken astean, hala ere, Jaurlaritzak azpimarratu du neurriei eutsi behar zaiela. ZIUetan egoera oso kezkagarria baita, uneotan 132 lagun daude unitate horietan. Atzo, COVID-19 gaitzak jotako 63 pertsona ospitaleratu zituzten EAEn, eta orotara, 416 daude jada ospitaleetan.
Bigarren olatuaren egoerari dagokionez, Osasunbideak atzeman du gaixotasunaren eragina luzeagoa izan dela eta ez dela gorakada handirik nabaritu, "progresiboagoa" izan delako, lehendabiziko olatuarekin alderatuta.
BBVA eta Sabadell bankuek akordioa lortu gabe amaitu dute bat-egiteko negoziazio prozesua, bi erakundeek Balore Merkatuaren Batzorde Nazionalari bidalitako jakinarazpenen arabera. Sabadellek ikuskatzaileari bidalitako azalpenean, desadostasunaren arrazoia bi erakundeen arteko akzio-trukearen ekuazioa izan dela zehaztu du.
Gaurko egunez, duela 35 urte atxilotu zuten Mikel Zabalza, eta 15 egun beranduago aurkitu zuten tortura zantzu argiekin. Lohizune Amatria eta Idoia Zabalza Mikel Zabalzaren senideekin hitz egin genuen iaz, eta oraindik egia, justizia eta erreparazioa eskatzen jarraitzen dutela nabarmendu zuten. Lohizunek nabarmendu zuen egia kontatzea nahi zutela, eta "behingoz" aitortzea torturapean hil zutela Mikel. Idoiak nabarmendu du egia "aurrerapauso handia" bada ere, "egia judiziala" lortzea gustatuko litzaiekeela, "justizia, alegia". Hemen duzue elkarrizketa ikusgai.
- Egoera hoberantz doa Araba, Bizkaia eta Gipuzkoan
- Zailtasunak zailtasun, Euskaraldia martxan da Ipar Euskal Herrian ere
- Eusko Jaurlaritzako osasun sailburuak "zuhurtzia" eskatu du koronabirusaren txertoaz hitz egiterakoan
- Euskararen gainean gogoeta egiteko mahai-inguruak antolatu ditu Euskaraldiak
- Maiak "burugogor" ez izateko eskatu die Geroa Bai eta PSNri eta aurrekontuak negoziatzeko gonbitea luzatu die
- Aspaldiko partez %5aren azpitik kokatu da positibotasun-tasa Nafarroan
