Azken egunetan, istilu larriak izan dira Perun eta Vizcarra eta Merino presidenteek dimisioa eman dute. Veronica Satrustegi kazetariarekin hitz egin dugu Gurean Gaur saioan bertako egoera ezagutzeko.
Gure begiz
All Stories
Su-etena hautsi ostean, Fronte Polisarioaren eta Marokoko ejerzitoaren arteko talkak areagotu egin dira azken egunetan. Gurean Gaur albistegian, Garazi Hach Embarekekin egoerari buruz mintzatu gara eta asteburu honetarako Hego Euskal Herrian deitutako mobilizazioen berri eman digu.
Eusko Jaurlaritzak zein Nafarroako gobernuak Covid19 gaitzari aurre egiteko hartutako neurri murriztatzaileen artean, taberna eta jatetxeen itxierak soka luzea ekarri du sektorearen baitan utziko dituen ondorioak medio. Gurean Gaur albistegian, Deustuko Bordatxo jatetxeko Gorka Gangoa izan dugu gurekin neurrien eraginari buruz hitz egiteko.
Gizonezkoen euskal futbol selekzioak bi eta bat gainditu zuen Costa Rica Ipuruan jokatutako norgehiagokan. Partidaren biharamunean, Euskal Herria Kirolako kide Kike Zurutuzarekin hitz egin dugu Gurean Gaur albistegian. Norgehiagokaren antolatzaileak zoriontzeaz gain, orain, 2018ko abenduan Euskadiko Futbol Federazioaren asanbladak Durangon emandako mandatua gauzatzeko garaia dela uste. Alegia, ofizialtasunaren eskaera UEFA eta FIFAra eramatea.
Abenduaren 10ean etxegabetzeko agindua dago aurreikusita Alami, Bahia eta bere 14, 9 eta bi urteko alabak bizi diren etxebizitzan. Blackstone putre-funtsaren jabetzakoa da eraikina. Bilboko Maizterren Sindikatuak “Gizarte Zerbitzuetatik Arartekora bitarteko bide guztiak erabili ondoren, erakunde publikoen utzikeria lotsagarria" salatu du. Iñigo Santxo Maizterren Sindikatuko kideak zerbitzu sozialen eremuan aurkitutako traba eta hutsuneez aritu da. Besteak beste, aipatu du, subsidiarioki ardura udalari dagokiola. Honek baina, ez duela alternatibarik proposatu.
Gurean Gaur albistegiaren baitan, Alessandro Ruta kazetariarekin batera kirola eta kultura izan ditugu hizpide. Horiek horrela, Eurokopa, Nations League edo NBA aipatzearekin batera, Sophia Loren aktore mitikoaren lan berria aipatu dugu, Netflix-ek ekoitzitako "The Lifes ahead".
Azaroaren 16an, gizonezkoen euskal futbol selekzioak Costa Rica-ren aurka jokatuko du Eibarko Ipuruan. Gorka Etxeberria Casqueiro entrenatzaile eta analistarekin batera, bi taldeen gako taktikoak aztertu ditugu.
Ostegunero legez, Gurean Gaur albistegiaren baitako proposamen kulturalak aztertu ditugu Irati Agirrezkuenagarekin: Besteak beste, "Lemoiz gelditu" murala Bilboko Arte Ederretako Museoan edo Ez Dok Ero antzezlana.
Mireia Gabilondok zuzendutako Erlauntza filmak astebete darama zinemetan, testuinguru zail honen baitan, publikoaren babesa lortuz. Lanak Aitziber Garmendia, Getari Etxegarai, Leire Ruiz, Naiara Arnedo, Itziar Atienza eta Sara Cozar bildu ditu, sei lagunen bizitzetako esperientzia tragikomikoak asteburu bakarrean azalduz. Gurean Gaur albistegian Aitziber Garmendiarekin hitz egin dugu.
- Eneko Paskual, Donostia Ospitaleko langilea: “Sei hilabetetan ez da ezer konpondu, eta okerrera goaz”
- Endika Nuñez: "Bidenen aldea ez da inkestek ziotena bezain handia izan, baina nahikoa izan da"
- Ion Ansa: "Trumpek popularitate tasa oso altuak mantendu ditu bere agintaldi osoan zehar"
- Iñaki Galdos: "Trumpen erreakzioak kontrako jarrerak eragin ditu Errepublikarren artean"
- Xabier Lertxundi: "Hernanin 1200 proba baino gehiago egin dira jada"
- Lehen postuan sendo eusten du Realak Vigon irabazi ostean, analisia Ane Urkirirekin batera
