Ane Martijak bere herriko elkartera gonbidatu gaitu, naturaz inguratutako 50 biztanleko Arakil bailarako herri txikira. XVI. mendera arte zutik iraun zuen Aixita gazteluaren berri ere eman digu eta, bide batez, bere bakarlari ibilbideaz aritu gara. Txikitatik ari da abesti propioak sortzen, baina duela bi urte bere lana grabatu eta argitaratzeko aukera sortu zitzaion.
