Osakar herria aurkeztu digu Urkok, eta baita bertako txikitako oroitzapenak kontatu ere. Familia musikaria du Urkok, eta haraneko ospakizun ezberdinetan aritu izan dira beti musika joz. Haraneko gazteak nola saretzen diren ere azaldu digu.

Motozerra erraldoi batekin erakustaldiak egiten hasi dira Orein eta Imanol, eta horren jatorria eta egitaren arrazoia azaldu digute. Autocross eta slalometan ere aritzen da Imanol, eta bere carcross-a erakutsi digu.

Xulapaingo alkate izan zeneko bitxikeriak kontatzeaz gain, bailararen beraren antolaketa azaldu digu Narilak. Bertako elkartearen egungo egoeraz ere aritu gara.

70 bat urte badira Lezaun Deierritik irten zela, eta egun, herriak bizi duen egoera ezagutzen lagundu digu Mikel alkateak. Bestalde, herriaren hainbat bitxikeriaren eta ohituren berri ere eman digu.

Hainbat artelanez osatutako Andia Vinciko Leonardak proiektuaren berri eman digu Nataliak. Helburuak argi izanik, horietara iristeko prozesuaz ere aritu gara Nataliarekin. Bestalde, herrian bizi ahal izateko egungo etxebizitzen arazoaz ere mintzatu gara Nataliarekin.

Basabere baserri eskolaren haur, familia edota ikastetxeentzako eskaintza ezagutu dugu. Zenbait animalia maskotatzat hartzearen arazoa ere azaldu digute, eta etorkizuneko proiektuen berri ere izan dugu.

Aurizberri Errobarren kokatzen lagundu digu Josebak. Garai bateko eta egungo lanbideez eta Donejakue bideaz ere aritu gara, eta azkenik, Urrobi kanpinean dagoen eta kudeatzen duen Baratze jatetxeaz ere galdetu diogu.

Aurizberrin jarri zuten martxan Aitorrek eta ibarreko zenbait gaztek gaur egun Pirineoko bertso eskola bezala ezagutzen dena. Pilota zaletasunaz ere aritu gara Aitoreekin, eta familia proiektua den Pirineki enpresako ateak ireki dizkigu.