Musika Zuzenean

All Stories

MusikaZuzenean TB #71: Screamers and Sinners + Musikazuzenean Jaialdi Akustikoa 2019

Hiru dimentsiotan dator aste honetako musikazuzenean telebista saioa! Screamers and Sinners talde gipuzkoarrak psychobilly giroetan datorren "hypnosia" diskoa kaleratu berri du, eta lan berria ezagutzeko entsegu lokalean bildu gara laukoarekin Bigarren erreportajean MusikaZuzenean Jaialdi Akustikoa izango dugu hizpide. Igande honetan ospatuko da Usurbil herriko Sutegi antzokian eta bertan formatu txikian ibiltzen diren 12 musika proposamen batuko ditugu Jaialdi ederrean. Erreportaje txikian bakoitzaren lagin bat ezagutuko dugu!

MusikaZuzenean TB #70: Anita Parker + Perlata

Lehen erreportajea osatzeko Bilbon izan gara Anita Parker taldearen entsegu lokala den laborategian. Elektronikatik abiatuta, disko koloretsu eta anitza osatu du bandak. Errepidea hartu eta Arrasatera egin dugu bidaia, bertan Perlata taldea ezagutzeko. Punk rock giroetan datorren lauko banda da honakoa eta "Urrezko kaiola" diskoa dute estudioko azken emaitza

MusikaZuzenean TB #66: Orreaga 778 + Ander Mujika

Orreaga 778 talde izango da gaurko gure talde protagonista. Hernani herriko punk oi! bandarekin bildu gara "Utrimque Roditur" azken diskoa entzuteko eta taldearen aro berria ezagutzeko. Hitz Bitan atalera Ander Mujika musikaria gonbidatu dugu. Napoka Iria taldeko kide izandakoa, Anari eta javier Muguruzarekin aritzen da egun, eta bere gustuko, disko, areto, eta musikarien berri eman digu laburrean. Honekin guztiarekin batera, musika albisteak

MusikaZuzenean Tb 65: Nizuri Tazuneri + Pello Artabe (Eskean Kristo)

Trap giroak naguituko dira musikazuzenean telebista saioaren 66 atalaean. Nizuri tazuneri taldea gertutik ezagutuko dugu eta beraien errima eta erritmoekin gozatu. Argitaratu berri duten “Zazpi” diskoa aitzakia bildu gara Fani eta Norzzone jaunarekin. Erreportaje honekin batera Pello Artabe abeslaria biluztuko dugu. Eskean Kristo taldeko kidearen gustuko diskoak, kantuak eta aretoak ezagutuko ditugu laburrean eta gainera, musika albisteak!

MusikaZuzenean TB #63: Huts + Skabidean & The Black Birds

Kolore ezberdinez jantzita dator MusikaZuzenean telebistaren atal berria! Lehen erreportajea osatzeko Huts taldearekin bildu gara entsegu lokalean. Taldeak "Toxiko" diskoa kaleratu berri du, musikalki rock koordenadetan. Hirukoaren bigarren emaitza luzea da honakoa, indartusua eta erabatekoa.... eta pozoitsua! Segidan, iruñara egingo dugu bidai Skabidean eta Black Birds musika egitasmo berria ezagutzeko. Ska, reegae eta rockstedy giroak lantzen dituen musika egitasmo handia da honakoa, taula gainean 11 musikari batuz.
hamaika telebista

Image