Gaurko saioan bi erreportaje izango ditugu. Lehen erreportajean RAITX egitasmoa ezagutuko dugu eta argitaratu duten "Abereek erantzungo balute" diskoa. Bigarren erreportajean liburu bat izango da protagonista. Patxi Irurzun idazle nafarraren RRV zaporeko "Tratado de Hortografia" lana.

Lehen erreportajea osatzeko Cobra taldeko Haritz Lete eta Ekain Elotza musikariekin egin dugu hitzordua Zarauzko Torreoi ederrean. HITZ BITAN atalean Mocker's taldeko Ritxi Blanco gitarra-jotzailearen gustuen berri izango dugu. Amaitzeko musika albisteak.

Pasaden asteko atalarekin 3. denboraldiaren amaierara iritsi ginen, eta honekin batera oporrak hartzen ditugu iraila bitartean! Trukean denboraldiak eman duenaren lagin txiki bat ikus dezakezue, urte osoko lana bi minutu laburrean!

Lehen erreportajean Arima taldea ezagutuko dugu, kaleratu duten "Metamorphosis" diskoa aitzaki hartuta. Bigarrenean, berriz, Anari eta Thalia Zedek musikariek elkarrekin egin duten "Coupages 04" diskoan murgilduko gara.

Ziztada & Rlantz egitasmoa ezagutuko dugu saio berri honetan, Reggae, Rap, Stepp eta Jungle giroetan datorren biko gaztea. Bigarren erreportajean Euskal Herriko Heavy Metalaren ataria den Herriko Burdina webgunean barneratuko gara.

"Gaztaroko erokeria bat baino gehiago!" split diskoa izango da gure gaurko protagonista, eta bide horretan, Managaitz eta Fly Shit taldeak. Hardcorearen errepidean murgilduko gara, irrati libreen uhinetan, gaztetxe zirkuituan... zuk zeuk egin filosofiaren baitan.

Lehen erreportajea egiteko DOKA aretoan izan gara Kaleko Urdangak taldeak "Kaleak Sutan" disko txikia aurkezteko eskainitako emanaldi berezian. Bigarren erreportajean Eñaut Zubizarreta ezagutuko dugu, Trigger izenpean taularatzen den musikaria.

Aste honetako MusikaZuzenean Tb saioan Audience taldeko Gaizka Insunza musikariaren bakarkako lehen diskoa bertatik bertara ezagutuko dugu. Era berean, Hitz Bitan atalean Xabi Ojinaga (Urgatz) abeslariaren gustuko disko, areto eta kantuen berri izango dugu.