Musika Zuzenean

All Stories

MUSIKAZUZENEAN TB #85: Maite Larburu + Luken Arkarazo (Odolaren Mintzoa)

Maite larburu musikari hernaniarra izango da saioko lehen protagonista. Neighbor bikoan ezagutu genuen urteak atzera eta egun bakarkako bidean dabil hezurren azpian diskoa besapean. Hitz Bitan atalean Luken Arkarazo ezagutuko dugu. Odolaren mintzoa taldeko abeslaria izateaz gain, Iñorkiñak egitasmoko kidea ere bada. Bere gustuko diskoak, aretoak edota musikariak ezagutuko ditugu laburrean. Honekin batera, albisteak izango ditugu, non Revolta Permanenteren disko berria eta Ratz-Zinger taldearen zuzeneko diskoaren grabaketa izango ditugun hizpide.

MUSIKAZUZENEAN TB #84: Lukiek + Markexa (The Friday's Crew)

Lukiek talde bizkaitarra izan da MusikaZuzenean TB saioko 84 atalaren lehen protagonista. Mungiako hiruko bandak iraupen luzeko lehen diskoa kaleratu du, eta entsegu lokalean batu gara lan berrian gehiago jakiteko. Hitz Bitan atalera Markexa Gonbidatu dugu, The Friday's Crew taldeko abeslaria. Saioa borobiltzeko musika albisteak.

MUSIKA ZUZENEAN TB #83: Aitor Etxebarria + Andoni Garcia Matxain + Albisteak

Saioko lehen erreportajean Aitor Etxebarria musikari eta sortzailearen unibertsoan barneratuko gara. Labetik atera duen disko berria besapean elkartu gara berarekin bilboko Lumiére filmoteka dotorean. Hitz bitan atalean Andoni Garcia Matxain gitarra jotzailea izan da gure gonbidatua. Bere gustuko disko, areto edota musikarien berri eman digu laburrean. Saioa borobiltzeko musika albisteak izango ditugu.

MUSIKAZUZENEAN TB #82: Amorante + Abereh + Albisteak

Lehen erreportajean Amorante musikaria ezagutuko dugu eta horretarako Elgoibar herriko musika bandaren lokalean egin dugu hitzordua Ibon Urizarrekin. Hitz bitan atalean Abereh bakarlaria ezagutuko dugu gertutik. Bere gustuko disko, areto eta kantuen berri emanago digu laburrean. Amaitzeko, musika albisteekin borobilduko dugu saioa.

MusikaZuzenean TB #78: Josu Zabala

Aste honetako saioa monografikoa izango da. Hertzainak taldeko Josu eta Gari musikariek martxan jarri duten "Inun baino alaiagoa izanen da" egitasmoa aitzaki, Josu Zabalarekin bildu gara Mekoletan. Hertzainak taldeari errepaso egin diogu, bai eta egungo musikagintzaz aritu ere. Tartean, Kafe Antzokiko eta Euskaldunako emanaldien zenbait irudi barneratu ditugu. Ikus eta goza!

MUSIKAZUZENEAN TB #77: Diabolo Kiwi + J.A. Areta Goñi "Juxe"

Hemen da MusikaZuzenean TB saioaren denboraldiko lehen atala: 00:00. Sumarioa: 00:58. Diabolo Kiwi 16:30. J.A. Areta Goñi "Juxe" Lehen erreportajean, Diabolo Kiwi taldea ezagutzeko parada izango dugu! Funk giroetan banda honakoa, uda giroko erreportaje ederrean! Bigarren erreportajean J.A. Areta Goñi "Juxe" argazkilaria ezagutuko dugu gertutik. "Zu barik eztau" erakusketan izan gara, bere lana ezagutzen. Musika eta argazkia bat eginik gaurko saioan!
hamaika telebista

Image