Musika Zuzenean

All Stories

MUSIKAZUZENEAN TB #99: Etxetik!

Zuzeneko musika erabat geldi dagoen garai honetan, musikariak etxetik ari dira sortzen eta jotzen. Ordu erdiko saioan 10 kantu bildu ditugu, besteak beste, Leihotikan taldeko Gorka, Ziztada & Rlantz bikoko Irune, Sala, Iban Zugarramurdi, Natali, Hartz taldeko Joseba, Hiri Galduak taldeko Iosu, Occhi Di Farfallako Miren eta Hodei eta Niña Coyote Eta Chico Tornado ikusteko aukera izango dugu.

MusikaZuzenean TB #98: Xabi Solano Maiza eta Jon Garmendia "Txuria"

Xabi Solano Maiza eta Jon Garmendia "Txuria" izango dira saio berezi honetako protagonistak. Ereñozu eta Donibane Lohitzune elkartuko ditugu road movie berezian, melodiak eta hitzak elkartuz erreportaje mardulean. Xabi Solano Maizaren musika bidea errepasatuko dugu, Etzakit taldearen sorreratik, bere bakarkako "Bi" diskoraino, The Solanos, 4 itzal eta Esne Beltza taldeak gogora ekarriz. Jon Garmendia "Txuria"k idatzi ditu Xabiren kantu gehienen hitzak. Kantuez hitzetaz ariko gara luze ta zabal, nola sortzen diren, eta zer nolako bilakaera izan duten. Hau guztia, MusikaZuzenean TB saioaren 98 atalean!

MUSIKAZUZENEAN TB #95: Afrika Bibang + Ibai Marin

Hemen da MusikaZuzenean TB saioaren 95 atala. Lehen erreportajean Afrika Bibang abeslaria izango da protagonista. "Nomadak" disko txikia kaleratu berri du algortarrak eta aitzaki honekin bere musika bideaz arituko gara. Hitz bitan atatean Ibai Marin abeslari eta gitarra jotzailea ezagutuko dugu gertutik. Bere gustuko disko, areto, abeslari eta gitarra joleen berri emango digu laburrean. Amaitzeko, asteburuko musika agendari eginen diogu errepaso.
hamaika telebista

Image