Giro lasaietan dator urteko lehen MusikaZuzenean TB saioa. Erreportaje nagusia egiteko Iseo musikari nafarrarekin egin dugu hitzordua Barañain herrian, eta berarekin batera 'Etxean' izeneko lan txikian murgilduko gara.
Ikusi Musika Zuzenean saio guztiak nahieran.
MusikaZuzenean TB saioaren 167. ataleko protagonista Bulego taldea izan da. Azkoitiko bandak 'Erdian Oraina' diskoa kaleratu du berriki, eta lan berria izan da elkarrizketaren ardatz nagusia. Hitz Bitan atalera Garazi Esnaola teklatu eta piano jolea gonbidatu dugu. Izaro eta Estitxu musikarien bandan aritzeaz gain, hamaika kolaborazio egin ditu ere. Bere gustuko disko, areto eta kantuen inguruan aritu zaigu laburrean. Amaitzeko, duela egun batzuk hil zen Leire Iribarne Olhagaray musikari gaztea izango dugu gogoan.
Ikusi Musika Zuzenean saio guztiak nahieran.
Erreportaje nagusian Lotura taldea ezagutzeko aukera izango dugu argitaratu berri duten 'Automatak izan' diskoa aitzaki. Eskarmentu handiko musikariak egin dute bat metal giroetan datorren talde berri honetan. Hitz Bitan atalera berriz, Haimar Arejita gonbidatu dugu, Gatibu taldeko gitarra jotzailea. Bere gustuko disko, kantu eta taldeen berri eman digu laburrean.
Ikusi Musika Zuzenean saio guztiak nahieran.
Aste honetako MusikaZuzenean TB saioan Broken Brothers Band Band taldea izango da protagonista. Iruñerrian izan gara bandako kideekin, eta erreportaje ederra ekarri dugu bertatik 'Katebegia' disko berria aitzaki. Hitz Bitan atalera, berriz, Haritz Artola gonbidatu dugu, egun, Unidad Alavesako kidea.
Ikusi Musika Zuzenean saio guztiak nahieran.
Erreportaje nagusian Telmo Trenor musikaria ezagutuko dugu. Elektronika giroko 'Z8rtziko' diskoa kaleratu du disko jartzaile eta produktore donostiarrak eta lan berrian murgiltzeko hitzordua egin dugu bere etxean. Hitz Bitan atalera Nestor Uranga musikaria gonbidatu dugu, Tzar edota Biruss taldeetako kidea. Bere gustuko disko, areto eta kantuen berri eman digu laburrean.
Ikusi Musika Zuzenean saio guztiak nahieran.
MusikaZuzenean TB saioaren atal berri honetan 'Kantu Bat Gara' Liburu CD-az arituko gara. Horretarako Jon Maiarekin egin dugu hitzordua Zumaiako Itzurun hondartzan, bere musika bideaz, eta letragintzaz luze eta zabal hitz egiteko.
Ikusi Musika Zuzenean saio guztiak nahieran.
Aste honetako MusikaZuzenean TB saioa monografikoa izango da. 'Chaos in Basque Country' disko bilduma aitzaki hartuta erreportaje mardula prestatu dugu, antolatzaile eta musika taldeen hitzak batuz ordu erdiko saioan. Egungo Euskal Oi! taldeen uztarik onena biltzen duen konpilazioa da honakoa, non hamahiru musika talde hartzen duten parte.
Ikusi Musika Zuzenean saio guztiak nahieran.
Musika Zuzenean TB saioa Durangoko Liburu eta Disko Azokan izan da egun hauetan, eta bertatik honako erreportajea ekarri dugu. Stand ezberdinetan ibili gara musikariekin solasten eta Ahotsenea gunea ere bisitatu dugu.
Ikusi Musika Zuzenean saio guztiak nahieran.
