Musika zuzenean

All Stories

MUSIKAZUZENEAN TB #89: Habi + IÑIGO MUGURUZA BETIKO GOGOAN! JAIALDIAREN KRONIKA

Saio honetako lehen erreportajean HABI taldea ezagutuko dugu. Villabona herritik datorren musika egitasmoa da honakoa, biko formatuan eta rock giroetan. Gainera, Iñigo Muguruzaren omenaldian izan gara bilboko kafe antzokian. Bertan bizitakoa, eta musikarien adierazpenak bildu ditugu erreportaje mardulean.

MUSIKAZUZENEAN TB #85: Maite Larburu + Luken Arkarazo (Odolaren Mintzoa)

Maite larburu musikari hernaniarra izango da saioko lehen protagonista. Neighbor bikoan ezagutu genuen urteak atzera eta egun bakarkako bidean dabil hezurren azpian diskoa besapean. Hitz Bitan atalean Luken Arkarazo ezagutuko dugu. Odolaren mintzoa taldeko abeslaria izateaz gain, Iñorkiñak egitasmoko kidea ere bada. Bere gustuko diskoak, aretoak edota musikariak ezagutuko ditugu laburrean. Honekin batera, albisteak izango ditugu, non Revolta Permanenteren disko berria eta Ratz-Zinger taldearen zuzeneko diskoaren grabaketa izango ditugun hizpide.

MUSIKAZUZENEAN TB #84: Lukiek + Markexa (The Friday's Crew)

Lukiek talde bizkaitarra izan da MusikaZuzenean TB saioko 84 atalaren lehen protagonista. Mungiako hiruko bandak iraupen luzeko lehen diskoa kaleratu du, eta entsegu lokalean batu gara lan berrian gehiago jakiteko. Hitz Bitan atalera Markexa Gonbidatu dugu, The Friday's Crew taldeko abeslaria. Saioa borobiltzeko musika albisteak.

MUSIKA ZUZENEAN TB #83: Aitor Etxebarria + Andoni Garcia Matxain + Albisteak

Saioko lehen erreportajean Aitor Etxebarria musikari eta sortzailearen unibertsoan barneratuko gara. Labetik atera duen disko berria besapean elkartu gara berarekin bilboko Lumiére filmoteka dotorean. Hitz bitan atalean Andoni Garcia Matxain gitarra jotzailea izan da gure gonbidatua. Bere gustuko disko, areto edota musikarien berri eman digu laburrean. Saioa borobiltzeko musika albisteak izango ditugu.

MUSIKAZUZENEAN TB #82: Amorante + Abereh + Albisteak

Lehen erreportajean Amorante musikaria ezagutuko dugu eta horretarako Elgoibar herriko musika bandaren lokalean egin dugu hitzordua Ibon Urizarrekin. Hitz bitan atalean Abereh bakarlaria ezagutuko dugu gertutik. Bere gustuko disko, areto eta kantuen berri emanago digu laburrean. Amaitzeko, musika albisteekin borobilduko dugu saioa.

MusikaZuzenean TB #81 : Ezpalak + Markel Idigoras (Nøgen) + Albisteak

Hasteko Ezpalak talde zestoarra ezagutuko dugu. Musikari beteranoek martxan jarritako abentura berria da honakoa, musikalki, 90 hamarraldiko rock alternatiboaren koordenadetan. Hitz bitan atalean Markel Idigoras ezagutuko dugu. Nogen taldeko ukelele jolea. Amaitzeko, musika albisteen txanda.

MusikaZuzenean TB #80: Lumi + Occhi di Farfalla

Aste honetako saioan elkarrizketa bikoitza dator. Lekorne herrira egin dugu bidai Nahia Zubeldia eta Manu Matthys osatzen duten Lumi bikoa ezagutzeko. Bigarren erreportajean berriz, Bilboko Kafe Antzokira gerturatu gara Occhi di Farfalla taldearekin egin baitugu hitzordua.
hamaika telebista

Image