Karmele Jaiok irakurri du Euskal Herria zeharkatu duen lekukoaren barruko mezua. Hona hemen mezu guztia osorik.

Lapurdiko hiriburua zeharkatu zuen atzo Korrikak. Bertan, milaka euskaltzalek euskararen ofizialtasuna aldarrikatu zuten, eta udaleko alderdi guztiek ere bat egin zuten aldarrikapen horrekin. Hona hemen irudirik onenak.

Iban Lantxo AEK-ko komunikazio arduradunak nabarmendu du inoizko Korrikarik jarraituena izan dela aurtengoa: "Jendeak beren herrian korri egiteaz gain, une oro jarraitu du Korrikaren ibilbidea". Era berean, Lantxoak azpimarratu du hedabideek elkarlanean jardun dutela, eta horri esker, herritarrek streaming bidez jarraitu ahal izan dutela euskararen aldeko lasterketa.

Eder Sagredok maite du euskara, eta betidanik bizi nahi izan du Korrika barrutik. Azkenean aurten lortu du bere ametsa: euskararen aldeko lasterketa AEK-ren furgonetatik jarraitzea. Lekuko eramaileak baino lekukoaren zain dagoen pertsonaren irribarrea nabarmendu du Sagredok: "Txanda luzeei aurre egiteko indarra ematen digute".