Image

Kolpez Kolpe

All Stories

LGTBI+ lege integrala arintzeko eskatu dute Euskal Herrian

Euskal Herriko hainbat LGTBI+ taldeek eskatu zieten Diputatuen Kongresuan eta Senatuan dauden EAE eta Nafarroako ordezkariei legearen desblokeoa. Lege honen onarpena edo berriztea blokeatuta dago eta epea luzatu egiten dute lege hau ez tramitatzeko eta hurrengo legegintzaldira pasatzea.

Oraindik ere ikusteko dago lege honek aurrera egingo duen edo ez. Ibaiek saio honetan azpimarratu nahi izan du, lege hau ez dela trans legea, berez estatu mailako lehenengo LGTBI lege integrala dela eta trans pertsonen eskubideetan ere azpimarratu nahi du lege honek adingabe, pertsona ez binario eta migratzaileen eskubideak ere kubritu nahi dituela.

Pantaialdia abian da

Azaroaren 11tik aurrera dugu pantaialdia ekimena. Aste betez euskarazko ikus-entzunezkoak kontsumituz igarotzeko proposamena egiten digute Alex Aginagalde Lopezek eta Pantailak Euskarazeko lagunek.

Kolpez Kolpen Alexekin aritu gara hizketan pantailetan euskarak duen erronkaz, “Harry Potter” kasuaz, pantaila handietan euskarak aurretik duen bide luzeaz etab.

Beraien webgunean ( www.pantailakeuskaraz.eus) duzue pantaialdian izena emateko formulario orria eta horrez gain, beraien sare sozialak jarraituz aste betez pantailetan euskaraz bizi irauteko baliabideen gida eta agenda proposamena zabalduko dute.

Barrionuevo GALen ministro ZEN

Gonzalezen Barne Ministroak, gerra zikina justifikatu du Lasa eta Zabalaren garai bereko bahiketa saiakera bat bere gain hartuz. Felipe Gonzalezen gobernuan, ZEN planaren sustatzaile nagusietako bat izan zen.

Bazekien delitu bat egiten ari zirela, 40 urte geroag, El Pais egunkarian esan duenez: "ETAkoek gerra bat zela zioten. Nik ezin nuen nire lubakikoen aurka egin, tiroren bat oker jotzen bazuten ere. Nire agintaldian Barne Ministerioan gaizki egin ziren gauzen arduradun egiten naiz, baita polizien aurka dauden kasu zehatzen arduradun ere".

Loa eta Laia marrazki bizidunen lehen atala

Josu bergara eta bere lan taldeak sortu berri duten “Loa eta Laia” euskarazko marrazki bizidunen egitasmo digitalaz mintzatu gara.

Euskarazko telesail digital honek 10 kapitulo izango ditu eta abestiak izango dituzte ardatz nagusi, hauen bitartez etxeko txikienei mundu ikuskera bat transmititzeko asmoz.

Marrazki hauen lehen atalaren inguruan hitz egin dugu Kolpez Kolpen. Azken urte hauetan Euskal Herrian antzinako gau beltzaren ohitura berreskuratzen hasi denez, Loa eta Laiaren lehen kapitulua honen inguruan izan da: Loa eta Laia Gau Beltza.

Kirol mota eta leku guztiak DENONTZAT dira

Oraingo honetan Hernanitik pasa gara modan dagoen gimnasiora hurbiltzeko: Denontzat gimnasioa. Honen izenak dioen bezala, edonor gerturatu diateke. Handi zein txiki, nagusi zein gazte, argal zein lodi, aditu zein berri. gimnasio hau denontzat da.

Hainbat kirol eskaintza dituzte baina gu Hyrox kirolaren entrenamendura gerturatu gara. Indarrezko ariketak eta korrika lasterketa tartekatzen duen kirola.
hamaika telebista

11 laguntzaile

Image