Martxoaren 3a egun adierazgarria da Gasteizen. Urtero bezala, 1976ko egun horretako sarraskia gogoratuko dute, gertakizunen 46. urteurrenean. Egia, justizia eta erreparazioaren bidean, Nerea Martinez Aranburuzabala Martxoak 3 elkarteko bozeramaileak elkarteak erdietsi dituen lorpen garrantzitsuak nabarmendu ditu, baina justiziaren aldetik oraindik ere aurrerapausoen zain daudela adierazi du.
Zinegoak LGTBI zinema eta arte eszenikoen jaialdiak Bilboko kaleak hartuko ditu, otsailaren 28a eta martxoaren 7a bitartean. Jaialdiaren 19. edizioak ahotsa emango die nahi bezala bizitzeko borroka egiten duten pertsonei, eta oraingo honetan, Albertina Carrik, zinemagile eta ekintzaile argentinarrak, jasoko du festibalaren sari nagusia. Aurtengo edizioa aurrez aurre izango da, baina leiho digitala ere zabalduko dute 'filmin' plataformaren bitartez. Hamaika Telebistako lantaldea Julen Nafarrate Aurrekoetxea eta Maren Gonzalez Zubeldia Zinegoak jaialdiaren arduradunekin izan da.
Gauretik Sortuak Udalbiltzak sortutako kultura proiektu bat da. Euskal kultura eta euskal sortzaileak sustatzeko helburuarekin abiatu zen, euskal kulturaren egoera larria zela ikusita, eta are gehiago covid-19ak eragindako une honetan.
Hasieran, artistentzako beka deialdia atera zuten. Bertan izena eman zuten 73 artisten artetik, 26 izen izan dira hautatuak. Artista horietako bakoitzari, proiektu hau babesten duten udalerrietako bat esleitu zitzaion, herri horietan egonaldiak egin zitzaten. Hiru astez bertan izan dira, herriaren historia jasotzen, bertakoekin hitz egiten eta ingurumarietan ibiltzen. Egonaldi horien ondoren, bost antzerki lan, beste bost film labur eta bi liburutan bildu diren hamasei literatura pieza sortu dira.
Duela 34 urte hasi zen Usansolo Galdakaotik desanexionatzeko lehen etapa. Oraingoan, urrats garrantzitsua eman dute, memoria batzordea eratzea eta herri-galdeketa egitea onartu baitu Galdakaoko Udalak. Bizkaiko Foru Aldundiak, gainera, oniritzia eman dio batzordeari.
Bi pauso baino ez dira falta Usansolo Bizkaiko 113. herria izateko, galdeketa egitea eta Bizkaiko Batzar Nagusiek desanexioa onartzea. Horiek horrela, Agustin Aizpurua Usansolo Herria Plataformako kidearekin izan gara, eta Aizpuruak nabarmendu du prozesu luze horretan borondate politiko falta izan dela.
