Image

Sakonean

All Stories

HemenGuk udaberriko azoka egin dute asteburuan Oiartzunen

HemenGuk, Oiartzungo ekoizleek, udaberriko azoka antolatu dute asteburuan. Herriko ekoizleak saretzen hasi zirenetik antolatu duten hirugarrena izan da. Ekoizleekin batera, herriko artisauak ere azokan izan dira oraingo honetan. Orotara, 21 ekoizle eta artisauk hartu dute parte. Txakolina, eztia, barazkiak, ogia, sagardoa, gazta, ahatekiak, garagardoa, kombucha, goxoak, arrautzak, pasta, artisautza produktuak, liburuak eta mahai jolasak topatu ahal izan dituzte herritarrek azokan.

HemenGuk azokaren helburua herriko ekoizleek egiten dutena erakustea, produktuen salmenta zuzena sustatzea eta euren arteko zein herritar kontsumitzaileekin zuzeneko harremana sortzea da, bertako produktuak eta ekoizleak balioan jarri eta ekonomia zirkularra sortuz.

Apirilaren 1ean abiatuko da Arabako Bertsolari Txapelketa

Pandemiak eragindako egoera eta haren bilakaera dela eta, Arabako Bertsozale Elkarteak 2022ko Arabako Bertsolari Txapelketa udaberrira atzeratuko zuela iragarri zuen. Apirilaren 1ean hasiko da, Amurrion, eta ekainaren 11n amaitu, Gasteizen. Hamaikako lantaldea Arabako Bertsozale Elkarteko Ekaitz Elorriagarekin izan da.

ZAS Kultur elkarte gasteiztarrak "Arbosa TV 2" erakusleihoa inauguratu du

ZAS Kultur elkarte gasteiztarrak proposamen artistiko berri bat inauguratu du San Anton enparantzako erakusleihoan. “Arbosa Telebista 2” lelopean Julio Arbosa artistaren lanari jarraipena ematen dio. Gainera, Zas Kulturek aukera ematen du edozein herritarrek erakusleihoan parte hartzeko bere esaldia aukeratuz.

Arabar izateko nahiak bizirik dirau Trebiñun

Aspaldiko aldarrikapenari eutsita, Trebiñu Araban sartzeko eskatu dute berriz herritarrek, eta Trebiñu Araba Da mugimendua berpiztu dute. Antolaketa administratiboa zentzugabea dela deritzote, eta hari aurre egiteko lan egingo dutela ohartarazi dute, egoera juridiko-administratiboa amaitu eta arabartzat aitortzen dituzten arte. Maialen Arribas Trebiñu Araba Da mugimenduko partaidearekin izan da Hamaikako lantaldea.

Teila Fabrika, balore eraldatzaileetan garatzen diren proiektuen etxea

Balore eraldatzaileetan garatzen diren ekintzaile, elkarte, enpresa txiki zein kooperatiben espazioa da Teila Fabrika. Elkarlanean pentsatzeko, hausnartzeko, konektatzeko eta ekiteko espazioa. Maddalen Serrasek azaldu dizkigu Teila Fabrikaren bihotzaren zatiak, elkarlana, ekonomia soziala eta kultura ardatz.

Bakterio berri bat aurkitu dute Añanako Gatz Haranean

Ingurumeneko mikroorganismoen dibertsitatearen azterketa egiten ari da Euskal Herriko Unibertsitateko Mikroiker taldeak, bereziki, Añanako Gatz Haraneko ur laginak erabiliz. Hain zuzen ere, bertan aurkitu dute bakterio espezie berri bat, beste inon topatu ez dutena, eta gatzagen balio ekologikoa erakusten duena.

Itziar Lasuen: 'Nahiz eta bizitza osoa lanean egon, gero ez dute pentsiorik jasotzen'

Zaintza lana pertsona guztien ongizaterako eta jarduera sozial nahiz ekonomikoari eusteko ezinbesteko lana da. 2020an etxeko konfinamendua iritsi zenean, agerian gelditu zen sektore honetan zegoen krisia eta zaintza sostengatzeko ezintasuna. Arrakala horiek, ordea, pandemiaren aurretik ere gurean ziren.

Zaintzaren krisi honen erdian, emakume adindu askoren errealitatea da urte asko eman dituztela lanean, baina etxeko lanetan. Hau da, soldatarik izan ez dutenak, eta beraz, kotizatu ez dutenak. Desoreka hori gainditzeko, gizonezkoak, emakumezkoak, erakundeak eta gizartea bera zaintzarekin konprometitu behar dira.

hamaika telebista

11 laguntzaile

Image