Ikusi eta Ikasi, Bilboko Udalak antolatzen duen programa, amaierako ekitaldia ospatu berri du. Umeentzako eta familientzako aisialdirako euskarazko programa da eta guztira 59 proposamen dira, diziplina askotakoak, tailer eta ikuskizun formatuetan. Programaren bitartez, Bilboko Udalak euskararen erabileran urratsak eman nahi ditu euskara, aisialdia eta gozamena uztartuz.
Ikuskizunak eta zinema. Horretan da aditua Ortzi Acosta. Oso gaztetik hasi zen gimnasia munduan eta Cecilio Ugarteren gidaritzapean 15 urtez egon zen Estatuko txapelketetan parte hartzen eta irabazten. Hala ere, lesio bat izan eta gero bere pasioa utzi behar izan zuen eta gaur bere ogibidea denaren lehenengo pausoak ematen hasi zen.
Tolosaldean elikadura burujabetza bultzatu nahi duen herritar talde batek martxan du Lurtaro kooperatibaren bazkidetza kanpaina. Bi dira bultzatu nahi dituzten proiektuak: tokiko elikadura ardatz izango duen denda-kooperatiba eta Tolosaldeko elikadura burujabetza bultzatzeko elikagaien ekoizpen kolektiboa. Proiektuari buruz gehiago jakin nahi? Hona hemen Aitor Otaegi kideetako batek kontatu diguna.
Jose Cruz Gurrutxaga aktore azkoitiarrak urteak daramatza interpretazio munduan. Telesailak, antzerki sortak eta bikoizketak ez ezik, azkenaldian bakarrizketetan murgildu da. Umorea izan zen lehenengoa eta orain Arranopola! estreinatu berri du Gasteizko Komedialdia jaialdian. “Stand up comedy” formatuak egunerokotasunari buruz aritzeko aukera ematen dio, nola ez, beti umoretik abiatuta.
EH kom-ek telekomunikazio operadorearen bidez, arrakala digitala gainditzea du xede. Hainbat udalek, hedabidek eta ekinenek babestu dute irabazi asmorik gabeko egitura digital publikoa da.
Udalbiltzako lehendakariak aurkezpenean azaldu duenez "teknologia burujabetza eta herri ikuspegitik, hirigune eta auzoetan sare ireki, neutro eta publikoa garatu eta sustatzea" da erronka. EH komek azpiegiturak publiko-komunitarioak ditu oinarri, tokian tokiko herritarren esku geldituko direlako. Telekomunikazio tresna burujabea sortzea da helburua, gurea dena “Euskal Herritik Euskal Herritarrontzat”.
Sareak neutralak izango dira, sarea ez dagoelako eduki edo erabilitako teknologiekin baldintzatua. Era berean, librea izango da, edozein zerbitzu digital emateko askatasuna ematen dutelako.
Gasteizen Komedialdia jaialdia hasiko da datorren astean. Bigarren edizio honetan, maiatzaren 24tik 29ra hiriko kaleak barre algaraz beteta ikusteko aukera izango da. Oscar Terol, José Cruz Gurrutxaga, Gurutze Beitia, Susana Soleto eta Itxaso Quintana, besteak beste, hartuko dute parte jaialdi honetan. Hiriburuan tailerrak, erakusketak eta mahai inguruak egongo dira ikusgai.
Harrapazank Eszena Bilboko Gazte Talentuen lehiaketaren gala izan da maiatzaren 20 eta 21ean, Bilborocken. Bilboko Udalak eta Euskaltzaleen Topaguneak 10-18 urte bitartekoei zuzendutako programaren baitan dago sartuta, eta gazteen artean euskara sustatzeko helburua du, haientzat erakargarriak izan daiteezkeen ekintzen bidez.
Berangoko Alconza-Irizar enpresako langileak greba mugagabean daude. Duela ia bi hilabete ekin zioten lanuzteari Irizar Taldeko zuzendaritzak ezarri nahi duen enplegu erregulazio espedientearen kontra. Zuzendaritzak langileen %40 kaleratu nahi ditu. Dagoeneko 25 behargin kanporatu ditu Irizarrek. Enpresaren erabakia ez ezik, jarrera ere salatzen dute. Lan gatazkaren berri izateko Urko Herrera LABeko ordezkariarekin eta Jon Perez zein Erlantz Onaindi kaleratuekin hitz egin du Hamaika Telebistak.
