Asteburu honetan 20-25 urte arteko gazteek osatutako Union Tutera futbol taldea aurkeztu dute Agerraldiaren laguntzarekin. Errespetua, berdintasuna eta euskararekiko konpromisoa zabaldu nahi dituzte kirolaren bidez.
Ibai Sueskun Errigorako kideak proiektuaren garrantzia nabarmendu digu Gurean Gaur magazinean: "Alfabetatze eremuetatik harago, euskarak beste bultzada bat behar du".
Edorta Jimenez idazle bizkaitiarra bere idazlana lantzen ari da Uztaritzen. Bere helburua herritar guztiek irakur dezaketen euskaran idaztea da. Jimenezen iritziz, zubiak eraiki behar dira kulturarentzat, elkar ezagutu eta elkar egoteko: "Bidea luzea da, eta bidea kulturaren bidez egingo da". Nicolas Blain Uztaritzeko auzapezarekin ere hitz egin dugu.
Txinako Alderdi Komunistaren sorreraren ehungarren urteurrena ospatu dute aste honetan Txinan. Garaiko dokumentuei erreparatuta alderdiaren sorrera 1921eko uztailaren 20 eta 23 artean egin zela dirudien arren, uztailaren 1a da Alderdiaren sorrera egun ofiziala Maok berak hala ezarri zuenetik.
Itziar Ituño aktorea elkarrizketatu dugu Kolpez kolpe saioan, eta adierazi du "bizitzak bozgorailu bat eman diola, eta aprobetxatu egin behar duela". Tubacexeko langileei babesa adierazteaz gain, Gure Esku dago ekimeneko abestian parte hartu du. Agenda beteta eduki arren, tarte bat eskaini dio Hamaika Telebistari.
AHTak 14 urteko atzerapena du dagoeneko, eta oraingoan, Eusko Jaurlaritzak adierazi du lanak 2026 amaierarako edo 2027ko amaierarako amaituko direla. Proiektu honek hiru krisialdi izan ditu martxan jarri zenetik. Horiek eta gehiago sakondu ditugu Mikel Otero EH Bilduko legebiltzarkidearekin.
Ugaitz Agirre idazlea Artziniegan dago Udalbiltzak martxan jarritako Geuretik Sortuak egitasmoan parte hartzen. Lapurketa baten istorioa kontatu nahi du inprobisazioari lekua emanez eta Artziniegako ingurunearen eta jendearen ekarpenak jasoz. Idazlearekin berarekin hitz egiteaz gain, Unai Gotxi herriko alkateordearekin ere mintzatu gara herriko kultur mugimenduaren aurrerapenaz.
