80 eguneko okupazioaren ondoren, Arbonako laborariek lursailen salmenta oztopatzea lortu dute. Hala ere, laborariek borrokan jarrituko dutela berretsi dute. Izan ere, berria poztasunez hartu duten arren, gaur gaurkoz, ezer ez dago irabazita, baina ezta galdua ere. Hala, Maritxu Lopepe laborariarekin eta Filipe Lascaray BOSTeko kidearekin hitz egin du Hamaika Telebistak.

Pandemia garaian, suizidioaren datuak izugarri igo dira, eta horren aurrean, prebentzioaren garrantzia aldarrikatuko dute Nafarroan Suizidioaren Prebentziorako Nazioarteko egunean. 2020ko udaberrian bizitako etxeratzea eta geroko askatasunaren murrizketa etsipenaren sinonimo dira herritar askorentzat. Leire Izagirre hezitzaileak Besarkada elkartearekin lan egiten du suizidioaren prebentzioan.

Lore More antzerki talde nafarra iritsi da Oiartzunera. Trapu zikinak antzerki lana sortuko dute datozen hilabeteetan, Geuretik Sortua egitasmoari esker. Taldearen lau kideetako birekin hitz egin dugu: Mikele Urroz eta Maialen Diaz antzezle eta zuzendariekin.

Eneritz Arbelaitz Oiartzungo udal ordezkariarekin ere hitz egin dugu, Oiartzungo kultura mugimenduaz eta horrek herrian eta herritarrengan duen garrantziaz.

Haur eskoletako gurasoen plataformak Parkean euskaraz ekimena jarri du martxan. Hezkuntza esparrutik harago, euren seme-alabentzako euskarazko aisialdi guneak zabaldu nahi dituzte.

200 egun baino gehiago daramatzate Tubacexeko langileek greba mugagabean, eta sei hilabete baino gehiagoren ostean tinko eusten diote grebari. Ixone Retes beharginak Hamaika Telebistari azaldu dio zerk ematen dien indarra aurrera jarraitzeko eta zer den enpresaren partetik espero dutena. Aldi berean, Eusko Jaurlaritzaren jarrera kritikatu du.