Kamikaz kolektiboko Erika Olaizola eta Amancay Gaztañaga kideak Tafallan ari dira Geuretik Sortuak egitasmoko egonaldia egiten, eta Krak laburmetraia sortuko dute bertan. Dolua bizi duten bi emakume katu baten bitartez lotuak izanen diren istorioa da. Pedro Leralta Tafallako zinegotziak egonaldi honek ekarriko dituen onurez hitz egin digu.

Oier Zuñigak, Eneko Gilek eta Belen Cruzek Antzuolan, Bergaran eta Elgetan egin dute Geuretik Sortuak egitasmoko egonaldia. Eresia proiektua sortzen ari dira eta doluaren gaia landuko dute bertan.

Iraitz Lazkano Elgetako alkatearekin, Beñardo Kortabarria Antzuolako alkatearekin eta Kristina Markina Bergarako kultura zinegotziarekin ere hitz egin dugu erreportajean.

Josu Martinez zinegileak Hitzak fikzio laburra sortuko du Baigorrin, Geuretik Sortuak egitasmoaren barnean. Berak lehenago egindako fikzio laburren jarraipena izango dela esan digu zinemagileak. Maddalen Dupuy udaletxeko kontseilariarekin ere hitz egin dugu herritarrez, bertako ohiturez eta kulturaz ere.

Leire Egaña 'Bira Produkzioak' ekoiztetxeko kidea da, eta laburmetraia sortzen ari da Galdakaon, Geuretik Sortuak egitasmoaren barruan. Edurne Espilla Galdakaoko Udaleko zinegotziarekin hitz egin dugu.

Nefer Olaizola ilustratzailea dolua ardatz duen ipuin ilustratu bat garatzen ari da Zuberoako Ligi-Atherei, Liginaga-Astüe, Lexantzü-Zunharre eta Etxebarre herrietan, Geuretik Sortuak egitasmoaren barnean. Egoitz Urrutikoetxea Lexantzuko hautetsiarekin ere hitz egin dugu egitasmo honen garrantziaz.