Foro Sozialak bukatutzat eman du bere ibilbidea. Azaldu dute, aurrerapauso handiak eman badira ere, oraindik badela lana egiteko presoen auzian, memorian eta, Espainiako Estatuaren biktimek nozitzen duten "diskriminazioan". Ofizialki, urtarrilaren 21ean emango du bere bidea bukatutzat, Durangon.

Lehen Korrika 1980an egin zen Oñatin, 'Zuk ere esan bai euskarari' lelopean. Ezohiko datetan egin zen, azaroaren 29an Oñatin hasi eta Bilbon bukatu zen abenduaren 7an. Minutu batean egun hura ekarri dugu gogora.

1977ko otsailean eta abenduan, Jorge Vidalen diktadura garaian, bahitu eta desagertu ziren Jorge eta Raulen ama zen. 1970eko hamarkadatik gaur egun arte, Buenos Airesko plazan bildu izan da, ostegunero. 1979an sortu zuten Maiatzeko Plazako Amen Elkartea, diktaduran desagertutakoen auzia salatzeko.

Munduko giza eskubideen aldeko borrokaren ikur bilakatu zen Bonafini, jatorri xumeko emakumea eta gizarte borrokalari nekaezina. Bahituen gorpuetako asko ez dira inoiz aurkitu, horien artean Hebe de Bonafiniren semeenak.

Maiatzeko Plazako Amen sorrerak mundu guztiaren begien aurrean jarri zuen Argentinako historiako erregimenik kriminalena, baina baita argentinarrak gai izan ziren erresistentzia ere.
Euskal Herria beti egon zen Bonafiniren bihotzean. Bere ustez, seme-alabak preso zituzten euskal amen babesari uko egitea beren seme-alabei uko egitea bezala zen.

Argentinako gobernuak hiru dolu egun ezarri ditu "Hebe omentzeko, haren oroimena eta borroka".

Euskaraldiaren helburu nagusia herritarren hizkuntza ohiturak aldatuta euskararen erabilera handitzea da. Maila pertsonalean edota kolektiboan parte daiteke, Ahobizi, Belarriprest eta Ariguneetan. Hala ere, rolak ez du euskaraz hitz egiteko gaitasunarekin zerikusirik, jokaerarekin baizik!

Azaroaren 18tik abenduaren 2ra arte iraungo du Euskaraldiak. Zabaldu dezagun euskara hamaika haizetara!

Antzinako euskarari buruzko aurkikuntza garrantzitsu baten berri eman du gaur Aranzadi zientzia elkarteak. Arangurengo Irulegi mendian esku baten itxurako pieza berezi bat topatu zuten, Kristo aurreko I. mendekoa. Aurrean idatzirik dauka hizkuntza baskonikoan orain arte agertu den testurik zaharrena eta luzeena.