Minutu batean

All Stories

ZAS! zurrumurruen aurkako esperientziak batu eta koordinatzea du helburu

ZAS! Zurrumurruen Aurkako Sarea da. Zurrumurruen aurkako esperientziak batu eta koordinatzea du helburu. Zurrumurruen aurkako estrategietarako praktika egokiak ezagutu eta aztertu eta arrazakeria eta xenofobiaren aurkako prebentzio eta borroka lanak egingo diren eremua izatea alegia.
Sartu zas.eus-en eta aurkituko dituzu: esperientziak, ekintza sarea eta argudio bildumak.

149.900 langabeturekin amaitu da 2020a Euskal Herrian

Frantziako Insee Estatistika Institutuak eta INE Espainiakoak argitaratu berri dituzten azken inkestetako datuen arabera 149.900 langabeturekin amaitu da 2020a Euskal Herrian. Aurreko urtean baino 17.500 langabe gehiago dira horiek. INEren datuei jarraiki, aurreko hiruhilekoarekin alderatuta langabezia tasak gora egin du Araban (+2,0) eta Nafarroan (+1,7) nabarmenki, eta, modu apalagoan, Bizkaian (+0,1). Aldiz, Gipuzkoan langabezia tasaren jaitsiera garrantzitsua adierazi du INEk (-2,2), eta Ipar Euskal Herriko langabezia tasa %7,25ekoa da behin behineko datuen arabera.

Eztabaidaren minimoak. Pandemia, negazionismoa eta fake news

Birusaren oldarraldi-olatuekin batera bada beste uholde bat: gaitzaren inguruko informazioa. Fake news-ak ez dira kontu berria. Historian zehar, informazio faltsutua erabiltzea ohikoa izan da botere-borrokak edo gerrateak izan direnean. Internet sarearen bidez zabaltzen hasi denetik, ordea, berri horien indarra nabarmen hazi da. Ondorioa: Datutzat saltzen dizkigute iritziak, argudiotzat baliatu hipotesiak, kritikatzat erasoak. Denak balio du. Irakurlearengan beldurra, amorrua, ezinegona, errukia, asaldura eta gisakoak eragiten dituzte fake berriek. Fake news bidez zabalduriko teoria negazionistek badituzte beste ondorio kaltegarri batzuk ere. Merezi duen indarra eskaintzen benetan eztabaidagarri denari. Fake news delakoak ekiditeko beharrezko ditugu: pentsamendu kritikoa, hausnarket eta egiari zor zaion errespetua.
hamaika telebista

Image