Image

Minutu batean

All Stories

Gregorio Larrañaga 'Mañukorta' bertsolari markinarra zendu da 78 urterekin

Plazaz plaza Euskal Herri osoan barrena ibili zen urte luzez, eta 1990eko urteen hasieran saio gehien egiten zuten bertsolarien artean ibili zen. Gaztetatik lanean hasi eta soldaduska egitera Ferrolera (Galizia) bidali zuten gero, «marinara»; bi urte egin zituen han. Ameriketara egin zuen 24 urterekin, osabarekin, artzain, eta sei urte eman zituen han, 1967tik aurrera. Heldutakoan, Danobat lantegian hasi zen lanean, eta Cicautxon gero, 57 urterekin erretiroa hartu arte.

Bertsozaletasuna amaren aldeko familiagandik jaso zuela azaldu izan zuen; bere kasa ikasi zituen bertso zaharrak. 1960ko hamarkadan hasi zen jendaurrean kantari; urte hartan egin zuen lehenengo plaza, Markinan bertan, Abel Muniategirekin besteak beste. 1980ko urteetan egin zen ezagunago. 1989ko Txapelketa Nagusian finalaren atarian geratu zeeann, eta Orixe eta Xenpelar sariak ere irabazi zituen.
Bertsolaritzatik harago ere ezaguna egin zen Mañukorta azken urteetan. 2014an Xabier Amurizak haren inguruan ateratako liburuaren izenburua da horren erakusle: Mañukorta bertsonajea.

Gerra zibilaren 86. urteurrenean egia, justizia eta erreparazioaren bila jarraitzen dute askok

Errepublikaren gobernuaren aurka estatu kolpea jo zuen Espainiako armadaren zati handi batek 1936ko uztailaren 18an.
Herritarrek aurre egin zioten era antolatuan eta armaturik; eta estatu kolpeak porrot egin zuen. Haren ondotik hasi zen Gerra Zibila, errepublikarren eta nazionalen artean. Gerra hark Hego Euskal Herria ere zatitu zuen. Gerraren ondoren hasi zen 40 urteko diktadura. 86 urte geroago, krimen horien zigorgabetasunak bere horretan dirau. Milaka lagunek jarraitzen dute senideen gorpuen bila; hobi komunetan daudenak edota familien baimenik gabe Erorien Haranera eramandakoak. Memoria Demokratikorako Lege berriari esker, auzitegi frankistak legez kanpokotzat jo dira eta ezarritako zigorrak baliogabetu dira. Batzorde independente bat eratuko da Francoren diktaduran izandako giza eskubideen urraketak argitzen laguntzeko. Baina egia, justizia eta erreparazioan urratsak ematea eragozten dute oraindik espainiar Amnsitia Legeak eta Sekretu Ofizialen Legeak
hamaika telebista

11 laguntzaile

Image