Shirley Baker Manchester Handiko langile auzoetako argazki eta erretratuengatik ezaguna da. Idazle eta argazkilari independente gisa aritu zen lanean hainbat aldizkari, liburu eta egunkaritan, eta argazki irakaslea ere izan zen.
All Stories
Irailaren 21a Alzheimerraren Nazioarteko Eguna da; hona hemen egun honetarako kultur proposamena: Yo no soy de aquí dokumentala.
Amaia Elizagoien eta Irati Celestino ipuin kontalariak eta Shirley Baker argazkilaria ezagutzeaz gain, hezkuntzaz eta arteaz hausnartzeko aukera izango dugu Erkuden de Andresekin. Irailaren 21a Alzheimerraren Nazioarteko Eguna dela probestuz, kultur proposamen bat luzatuko dizuegu.
Irailaren 13a txokolatearen nazioarteko eguna da 1995. urteaz geroztik, baina ba al dakizu zergatik ospatzen den egun hau? Horrelako bitxikeria gehiago, Hamaika Telebistako Klik Batean saioan.
Klik Batean bigarren saioan, kaleko ikuskizunak ezagutuko ditugu. Hain zuzen, hiru ikuskizun ezagutuko ditugu protagonisten bitartez: '35 huts', 'Komunetik' eta Ekidaren manifestua. Horrez gain, goxotik ere izango du biharko saioak: ba al dakizu txokolatearen nazioarteko existitzen dela?
Gaurko saioan, lau elkarrizketa izango ditugu. Alde batetik, Itziar Insausti alpinista eta abenturazaleak Nafarroako liburutegian eskaini duen Uste baino gehiago hitzaldiaz hitz egingo digu. Oihana Lopez ere ezagutuko dugu, familia lantegiak egiten baititu Iruñeko Ingurumen Hezkuntza Zentroan.
Elkanori Bira ekimena ere ezagutuko dugu Axier Lopez kidearen bidez; ekimen honek Elkanoren eta historia eurozentristari buruzko hausnarketa bultzatzeko asmoa du, orain arte historia ofizialak isilarazitakoak lehen lerrora ekartzeko: emakumeak, jatorrizko herriak eta inperialismoaren kalte zuzenak sufritu eta sufritzen dituztenak. Horrez gain, Solasaldia Sizilian Mussoliniren agintepean argitaratu zen eleberri antifaxista bakarra ere ezagutuko dugu Lander Majuelo Igela Argitaletxeko editorearekin.
Datorren igandean, irailaren 5ean izango den emakume indigenen nazioarteko egunari erreparatuko diogu saioarekin amaitzeko.
1983an, Amerikako Erakunde eta Mugimenduen Bigarren Topaketa egin zen Tiahuanakon (Bolivia), eta Emakume Indigenen Nazioarteko Eguna irailaren 5ean izango zela erabaki zuten. Egun hori Bartolina Sisa gerlari aymararen borrokaren omenez aukeratu zuten. Kolonialismoaren aurka borrokatu zuen eta 1782ko egun hartan hil zuten La Pazen (Bolivia).
Emakume Indigenen Nazioarteko Egunaren helburua munduko herri indigenetako emakume guztiei omenaldia egitea eta haien ekintza heroikoak ikusaraztea da.
Ikusi nahieran Klik Batean saioa osorik.
Ostiralean Klik Batean saioaren estreinaldia Hamaika Telebistan! Erreportaje eta elkarrizketa bidez, Iruñerriko kultur eskaintza ezagutuko dugu, sortzaileei eta sorkuntza guneei erreparatuz eta emakume sortzaileei tarte berezia eskainiz.
Euskal Herriko hiriburua bor-bor dago: musika talde berriak, kultur espazio autogestionatuen sorrera, idazle askore lorapena… Ezagutu nahi? Ez galdu ostiraletik aurrera, 21:30ean, Klik Batean saioa Hamaika Telebistan eta nahieran www.hamaika.eus webgunean.
Auzotegi kultur etxe autogestionatuak urteak daramatza Txantrea auzoko elkargune izaten. Azken hiru urteetan eztabaida prozesu bat egiten aritu dira, espazioak auzoan duen potentzialitate osoa atera ahal izateko. Auzotegiko kide diren Sergio Barrenetxeak eta Irati Bakaikoak interesa daukan edonori bertara hurbiltzeko gonbita egin die.
- Teatrolari, gorputz adierazpena lantzeko eskola
- 'Ortzadar, 40 urte txistua jotzen sanferminetan' dokumentala estreinatu dute aste honetan
- Paloma Migliaccio: "Trans errealitatearen inguruan zeuden oztopoak gainditzen ari gara"
- 'Manifestua', Ekidaren helburuak lantzen dituen ikuskizuna
- Ander Perez: "Laba euskara Iruñeko erdigunean jarriko duen ariketa bat da"
- Xanti Etxeberria: "Momentu honetan jendeak aulkian dantza dezan saiatzen gara"
