EHZ jaialdia hasiko da bihar, eta Irati Fernandez antolatzaileetako batek eman dizkigu jaialdiaren nondik-norakoak. 25. edizio honetan, programazio "zabala eta anitza" antolatu dutela nabarmendu digu. Pandemiaren ondorioz, jaialdiaren eremuan sartzeko pase sanitario bat beharko da, izan txertaketa ziurtagiri bat, edota PCR edo antigeno test negatibo baten ziurtagiria. Horrez gain, maskara gomendatua izango da jaialdia aire librean izanen delako.

Azken hilabeteak prestakuntza lanetan igaro dituzte, eta dena prest dutela adierazi digu Fernandezek: "Jendea hartzeko gogoz gaude".