Inaxio Oiarzabal: "Elkarbizitza sanorako ezinbestekoa da salbuespenezko legediarekin amaitzea"

Aste honetan harrabots handia sortu du Sarek Unai Parot aske utz dezatela eskatzeko Arrasaten deitu duen mobilizazioak. Inaxio Oiarzabal plataformako kidearen esanetan, ez dute "inolako" omenaldirik egingo larunbatean; kontrara, "salbuespenezko legedia" bertan behera uzteko, eta legedia arrunta aplikatzeko eskatuko dute.

Zentzu horretan, Oiarzabalek adierazi du "harrituta" daudela manifestazio hau izaten ari den oihartzunarekin, orain arte beren ekimenekin bat egin duten pertsona askok "zalantzan" jarri dutelako mobilizazioaren zergatia.

Oiarzabalek azaldu duenez, 30 urteko kartzela zigorra ezarri zioten lehenengo Paroti, eta gero, 7/2003 legea aplikatuz, 40 urteraino luzatu zioten zigorra. Oiarzabalek azpimarratu du lege hori ez dela legezkoa, eta bertan behera gelditu behar dela azpimarratu du. Oiarzabalek gaineratu du elkarbizitza "sanoa" eraikitzeko "ezinbestekoa" dela salbuespenezko legedi hori bertan behera uztea.

Zerikusia duten artikuluak