Image

Gure begiz

All Stories

Oihana Teyseyre, kazetaria: ‘Zailtasun guztiak jarriko zaizkie migratzaileei juridikoki’

Ipar Euskal Herriaren eta Hego Euskal Herriaren arteko Polizia kontrolak sei hilabetez luzatzeko hartu duen erabakiaren ostean, Immigrazioaren Lege berria aurkeztu du Parisek. Lege proiektuaren nondik norakoak aztertu ditugu Oihana Teyseyre BERRIAko kazetariarekin.

Ander Martin: ‘Lan asko dago egiteko euskal selekzioen onarpenean, bidea hasi besterik ez da egin’

Madrilgo Kirol Legeaz eta euskal selekzioen etorkizunaz aritu gara Ander Martin Euskal Pilota Federazioko kidearekin. EAJk bultzatutako zuzenketa batek bide ematen die euskal surf eta pilota selekzioei nazioartean lehiatzeko. Baina legeak beste hainbat gauza arautzen ditu. Besteak beste, zehazten du zer zigor jarriko zaien kirolariei, Espainiako selekziora joateari uko egiteagatik.

Vero Satrustegi: ‘Armen erabileraren gaineko eztabaida mahai gainean jarri da AEBko lege aldierdiko hauteskundeetan’

Hitzordu garrantzitsua gaur Estatu Batuetan, agintaldi erdiko hauteskunde legislatiboak dituzte eta Ordezkarien Ganberaren erdia eta Senatuaren heren bat berrituko dira. Joa Bidenen etorkizun politikoa dago jokoan. Testuinguru honetan pil pilean izan da armen erabileraren eztabaida. Vero Satrustegi nazioarteko kazetariak azaldu digu.

Maite Ubiria, kazetaria: ‘Migrazioari loturiko giza krisiak beste tamaina bat hartzen du Bidasoan’

Parisek beste sei hilabetez luzatuko du mugaren itxiera, 2023ko apirilaren amaierara arte. Euskal erakundeek bidalitako adierazpen, mezu eta kexa ugariek ez dute egoera aldatzerik lortu. Azkenaldian ere izan dira gizarte mugimenduak hauspotutako protestak eta ekintzak. Maite Ubiria kazetariak landu du gaia NAIZen, eta berarekin aztertu dugu gaia.

Gorka Berasategi, kazetaria: 'Gakoa izaten da asmo handiko araudi hauek nola betearazten diren, zenbateraino diren eraginkorrak'

Europako Batasuna da munduko "deforestazio inportatzailerik” handienetan bigarrena, WWF Naturarentzako Mundu Funtsa erakundearen ikerketa baten arabera. Blokeak deforestazioan, klima aldaketan eta biodibertsitatearen galeran duen erantzukizuna murrizte aldera, EBk araudi proposamen bat bultzatu du. Europako Parlamentuak Bruselaren hasierako testua moldatu du, ekologisten zenbait eskari jasota. Batzordeak, kontseiluak eta parlamentuak adostu behar dute orain araudia.

Iñigo Aduriz: ‘BBCren Melillari buruzko ikerketak ondorio politikoak ekarri beharko lituzke’

Iñigo Aduriz Eldiario.es-eko kazetari eta politika arloko arduradunarekin aztertu ditugu hainbat gai; BBCren dokumental baten arabera, Espainiak erantzukizuna du Melillako hesiaren heriotzetan. Honek ondorioak “ekarri beharko lituzkeela” iritzi du Adurizek. Haren esanetan, bi ondorio atera daitezkeelako: Espainiako mugetan giza eskubideak urratzen direla eta horiek ezkutatzen zaizkigula. Ikerketa atzerritik etorri izana deitoratu du.
Bestalde, astelehenean eta lehen aldiz omendu du Espainiako estatuak instituzionalki frankismoko biktimak, Memoria Demokratikoaren Legeak agintzen duenez. Adurizek biktimak “oso eskertuta” egon zirela nabarmendu du; baina azpimarratu du espainiar eskuinak ez duela omenaldia babestu, Europako beste herrialde batzuetan gertatzen ez den bezala. Azkenik, botere judizialaren kontseilu nagusia berritzeko alternatibak zeintzuk izan daitezkeen azaldu ditu.

Ihintz Oliden, AEK: ‘Euskara ikastea eskubide bat da, bekak ezartzea eskatzen dugu’

Ipar Euskal Herriko AEK-k salatu du Helduen euskalduntzerako erakunde publikoek ematen dituzten laguntza eskasak langileen lansariekin konpentsatzera behartuak direla. Euskal Konfederazioak dio Euskararen Erakunde Publikoaren aurrekontuak orain halako bi izan behar duela.
hamaika telebista

11 laguntzaile

Image