Telesforo Monzón herrigintza laborategiak eta EHUko Parte Hartuz ikerketa taldeak Naziometroa sortu dute. Euskal Herri osoko biztanleek kezkak eta ikuspegi sozial zein nazionala maiztasunez aztertuko duen tresna. Gurean Gaur albistean, Julen Zabalo izan dugu gurekin aurreneko Naziometroaren emaitzen ingurukoak aztertzeko: Batetik, Euskal Herriko hamar biztanleen arteko lauk euskal Estatu baten alde egingo luke adostutako erreferendumean eta, bestetik, jarrera likido eta ez monolitikoak ugalduz doazela.
Covid19 gaitzaren hedapenaren ondorioz, Alemaniak hainbat neurri murriztatzaile jarri ditu indarrean. Gurean Gaur albistean, Berlinen bizi den Jonan Lekue bizkaitarrarekin hitz egiteko aukera izan dugu, Alemaniako egoera, Merkelen papera eta hartutako neurrien inguruan mintzatzeko.
Covid19 gaitzaren inzidentziaren eraginez, Hego Euskal Herrian badira eremu gorrian dauden udalerri batzuk, eta horietako bat Azpeitia da. Gurean Gaur albistegian, bertako alkate Nagore Alkorta izan dugu gurekin, gehien kaltetu diren sektoreei emandako diru laguntzei buruz hitz egiteko.
Eva Ferreira EHUko errektore izendatuko dute urtarrilean. Hamaika Telebistan egindako elkarrizketan, adierazi du oso pozik eta ilusio handiarekin dagoela, eta harro sentitzen dela aurretik dituen erronkak zuzentzeko.
Bere lehen elkarrizketa eskaini du euskaraz: "Nik gaztetan ez nuen aukerarik izan euskara ikasteko. Orain ari naiz ikasten euskaltegian; nire lehen elkarrizketa da, baina azkena ez izatea espero dut".
Nabamendu du EHUren erronka dela gizartea unibertsitatearen erdigunean jartzea: "Horrek esan nahi du erronka sozialak gure aktibitatearen erdian jartzea". Azpimarratu du EHUko mundu osoko 400 unibertsitate onenen artean dagoela; postu ona dela adierazi du, baina posible dela hobetzea. Zentzu horretan, beste unibertsitateetara begiratu behar dela nabarmendu du, baina bakoitzaren "testuingurua" kontuan hartu behar dela azpimarratu du.
Datozen urteetarako helburu nagusiak akordio handiak lortzea, Euskal Herriko komunitatearen parte hartzea eta erronka sozialei erantzutea izango direla azpimarratu du. Era berean, adierazi du lan handia egin behar dutela ezagutzaren zabalpenean eta ikerketaren dibulgazioan: "Gizarteak oso ondo baloratzen du EHU, baina, bestalde, herritarrek ez dakite oso ondo zer egiten garen ikerketaren arloan, esaterako".
Azkenik, garrantzitsutzat jo du ikasleengana hurbiltzea eta beren arazoak ezagutzea: "Horretarako lanean ari gara".
Gasteizen, Zaramaga auzoko San Frantzisko eliza memoria gune bilakatzeko eskatu dute Memoria Osoa ekimenaren bitartez. 1976ko martxoaren 3ko protesta, greba eta sarraskiaren epizentroa izan zela San Frantzisko eliza eta proiektu honen inguruan aritzeko, Gurean Gaur albistegian Josu Santamarinarekin hitz egiteko aukera izan dugu.
Izurria hasi zenetik, Bilboko Kafe Antzokiak ateak itxita mantendu ditu, euskarak Bilbon duen arnasgune nagusienetako baten hutsunea nabarmena izan da geroztik. Eta, testuinguru honetan, bere 25. urteurrena ospatzen ari da, etorkizun oparo baten desioan. Gurean Gaur albistegian Mikel Urbeltzekin hitz egin dugu.
Gurean Gaur albistegian, abenduaren 10ean, giza eskubideak hizpide CEAR Euskadiko Naiara Gutierrezekin hitz egiteko aukera izan dugu. Izurriak lerroburu guztiak bereganatu ditu azken hilabeteetan baina errefuxiatu eta migranteen krisiak areagotu dira.
Gurean Gaur albistegian, ostegunero legez, kultur proposamenak izan ditugu: Gaurkoan, Rayco Sánchez eta bere Opio Errebeldearen "Jotake: Euskal futbola barrutik" liburua. Proiektu honetan, ertz sozialak ukitu nahi izan ditu, besteak beste, Manu Garcia, Unai Bustinza, Anaitz Arbilla, Irene Paredes, Ainhoa Tirapu, Bojan Krkic edo Nahia Alonsorekin hitz egiten.
Gurean Gaur albistegian Iratxe Fresneda irakasle eta zinegilearekin hitz egiteko aukera izan dugu, "Tetuán" bere azkeneko filma hizpide. Lan honekin trilogia itxi eta istorio humanoak kontatu nahi izan ditugu, migrazioen gaiari beste ikuspegi bat txertatzeko. Filma hauspotzeko Crowdfunding kanpaina abiarazi dute.
