Gure begiz

All Stories

Udane Arbeo: "Jaurlaritzak Uda 2021 kontingentzia plana aktibatuko du migratzaileak laguntzeko"

Udane Arbeo lankidea izan dugu Gurean Gaur magazinean, zuzenean Gasteizetik eman dizkigu EAEko azken berriak; COVID19 gaitzaren bilakaera, txertaketa plana, Jaurlaritzaren kontingenzia plana udan ailegatu daitezkeen migratzaileak laguntzeko eta Salhaketaren eskaera Jaurlaritzari espetxe politika "errotik" aldatzeko.

Antton Elosegi: "Eutanasia legea aurrerapauso handi bat da"

Antton Elosegi Heriotza Duinaren Aldeko Elkarteko kidea elkarrizketatu dugu, Hego Euskal Herrian indarrean sartu den Eutanasiaren Legea hizpide. Nabarmendu du beraientzat ez dela "nahikoa", baina legea "aurrerapauso" handi bat dela. Etika Batzordearekin eta eutanasia eskatzeko prozedurarekin kritiko agertu da Elosegi. Gaineratu duenez, medikuen kontzientzia objekzioa "arazo larria" izan daiteke, batez ere Nafarroan, "Elizako sektore batzuk gehiegizko pisua dutelako".

Ane Santesteban: "Joko Olinpikoetara joatea merezi dudala uste dut"

Ane Santesteban txirrindulari gipuzkoarra elkarrizketatu dugu Hamaika Telebistan. Espainiako txapelketan zilarrezko domina eskuratu zuen, Mavi Garciarengandik hamabi segundora. Eroriko txiki bat izan zuen helmugara iritsi baino zortzi kilometro lehenago, baina esan digu horrek ez duela emaitza baldintzatu: "Mavi indartsuagoa izan zen eta kitto". Hasieran "triste" sentitu zen ez zuelako lasterketa irabazea lortu; hala ere, orain pozik dagoela dio, "dena" eman zuelako. Hurrengo erronka Tokioko Joko Olinpikoetan izango du.

Koldo Otamendi: "AMEBA taldean emakumeen presentzia ahotsean eta testuetan nabari da"

Koldo Otamendi Musika Zuzenean saioko aurkezlea izan dugu Hamaika Telebistako Gurean Gaur magazinean. Ostegunero, 21:30etik aurrera, Musika Zuzenean saioa izaten da Hamaika Telebistan; gaurko saioan, pandemia garaian sortu den Ameba taldea eta OSKARBI musika aldizkari berria ezagutzeko aukera izango dugu.

hamaika telebista

Image