Ostegunero legez, 21:30etatik aurrera, Hamaika Telebistan MusikaZuzenean TB saioa ikusgai egongo da. Gurean Gaur albistegian Koldo Otamendi aurkezlearekin hitz egin dugu, saioaren edukiak aztertzeko: Batetik, Donostialdeko La Rekba taldea eta, bestetik, Delirium Tremens-en agurraren 30. urteurrena.

Frantziar Estatuko konstituzio kontseiluak murgiltze ereduaren aurka kaleratutako epaiak haserrea eta ezinegona sortu ditu Ipar Euskal Herrian. Gurean Gaur albistegian Seaskako Hur Gorostiagarekin hitz egin dugu, epaia salatu eta larunbatean Baionan egitekoa den mobilizazioan parte hartzeko deia egin du.

Iragan maiatzaren 21ean, 15 urte ziren Montenegrok Serbiatik independentzia lortzeko erreferenduma egin zuenetik. Gurean Gaur albistean, Asier Blas politologoa izan dugu gurekin Montenegroren independentziaren bilakaera, Serbiarekiko harremanak eta Yugoslavia ohiaren egoera aztertzeko.

Maiatzaren 27an, Ekonomisten Euskal Elkargoak antolatuta, EAEko berrikuntza sistemaren inguruko webinarra antolatu dute Mikel Navarro eta Zigor Urkiagaren parte hartzearekin. Gurean Gaur albistegian, ekimeneko bultzatzaileetako bat den Joseba Barandiaranekin hitz egiteko beta izan dugu.

Amorebietak historia egin du Bigarren A maila igotzea lortu ostean. Gurean Gaur albistegian, Badajozen aurkako finalean gol erabakigarria sartu zuen Iker Bilbao elkarrizketatzeko aukera izan dugu.

Frantziar Estatuko Konstituzio Kontseiluak murgiltze ereduaren aurka plazaratutako epaia aztertu dugu Gurean Gaur albistegiaren solasaldian; hona hemen Ramon Varelaren analisia.

1936ko Estatu Kolpe faxistaren ondorioz errepresaliatutako Osasunako kideak omenaldi instituzionala jaso zuten maiatzaren 21ean. Horren atzetik, ikerketa lan eskerga eta hauspo sozial handia egon da azken urteetan. Gurean Gaur albistegian Mikel Huarterekin hitz egin dugu.