Gure begiz

All Stories

Itxaso Torregrosa: 'Hitzak ez dira nahikoak, soluzioak nahi ditugu'

Itxaso Torregrosa 'Izadi gurasoekin etxera' plataformako sustatzaileetako bat da. Euskal presoen alaba da Izadi, eta orain arte espetxean bizi da gurasoekin. Bere urtebetetzea urtarrilean izango da. Hiru urte beteko ditu eta, berririk ez bada, kartzelatik aterako dute, beraien gurasoengandik banatua. Haurraren egoera salatzeko hainbat ekimen antolatu ditu plataformak azken hilabeteotan. Bihar kanta eta bideoklipa estreinatuko dute 'Afu' taldearen eskutik.

Udane Arbeo: 'Euskararen etorkizuna ziurtatzeko neurriak proposatu ditu Pantailak Euskarazek'

Udane Arbeo lankidea izan dugu zuzenean Gasteiztik berriemaile. Pantailak Euskaraz plataformak euskararen egoeraz kezkatuta plazaratu berri duten testua; euskarazko Wikipediak hogei urte bete berri dituela; eta atzokoan Durangon EHEk 'Euskaraz bizitzeko, euskal errepublika' lelopean deitutako manifestazioa.

Irantzu Pastor: 'Konplizidadea sortu da liburua osatzen duten emakumeen eta gure artean'

“Lumineszenteak: Emakumeen aurkako indarkeria ikusezinak eta erresilentzia historia zenbait” liburua nola sortu den eta atzean egon den prozesua azaldu dute Irantzu Pastor argazkilariak eta Igone Mariezkurrena kazetariak, liburuaren egileek. Diskurtso nagusietan oihartzunik eta lekurik ez duten emakumeen testigantzak nahiz argazkiak jasotzen ditu lanak.

Arrate Beristain: 'Administrazioak bermatu behar du euskaraz ikasteko eskubidea espetxeetan'

2017tik irakasle boluntario talde bat presoei euskarako eskolak ematen ari da. Arrate Beristain irakasleetako batek eta Oskar Kalabozo ikasle izandakoak eman digute egoeraren berri. Beristainek dio “baldintza oso kaxkarretan” izaten direla klaseak, entzumena edo ahozkoa lantzeko aukerarik ia ez dagoela azaldu du. Kalabozok salatu du euskara ikasteko oztopoak badirela, materiala espetxean sartzerako orduan esaterako. Euskal administrazioei eskatu diete euskara ikasketei ofizialtasuna emateko espetxeetan.

Ion Ansa: 'Euskal eskala politikoa indartuta atera da aurrekontuen gaineko akordioarekin'

Ion Ansa analista politikoarekin aurrekontuen gaineko EH Bilduren eta Eusko Jaurlaritzaren arteko akordioa aztertu dugu, politikoki duen garrantzia eta zabaldu daitezkeen bide berriak azaldu ditu. Akordioaren bi dimentsio azpimarratu ditu: alde batetik, EH Bilduren eta EAJren arteko "lehiaren terminoak berritu" egin direla adierazi du; konfrontazio hutsetik tartekako akordioetara. Bestalde, euskal eskala politikoa "indartuta" atera dela.

hamaika telebista

11 laguntzaile

Image