Lezoko lan heriotza salatu du euskal sindikatuen gehiengoak

Kulukax enpresan hil zen ostiralean 26 urteko langilea, Ipintza industriagunean. Honen heriotzaren arrazoiak ikertzea exijitu du LAB sindikatuak. Heriotza salatzeko elkarretaratzea egin dute gaur. Prekarietatearen eta lan baldintzen okertzen ondorio zuzena dela azaldu du Kristona Getek LABeko Oarso-Bidasoko arduradunak. Gaineratu du, lan heriotzen “sarraskiarekin” bukatzeko bide bakarra borroka eta antolakuntza direla. Hala, langile guztiak lan baldintza duinen alde borrokatzera deitu ditu. Getek gogora ekarri du 31 langile hil direla aurten Euskal Herrian.