Koronabirusaren aroko hirien ilustrazioak

Gonbite berezia jaso dute mundu zabaleko hainbat artistek "New Yorker" aldizkariaren bidetik: bizitoki duten hiria marraztuz berrogeialdiko irudia islatzea. Izan ere, lurralde eta urbe handi batetik bestera aldea dago. Urrunera joan gabe, Euskal Herriaren adibide dugu. Hegoaldean, ezinbesteko jarduera eta mugikortasuna dago baimenduta soilik. Ipar Euskal Herrian, tarte batez ateratzeko baimena badute ariketa fisikoa egin ahal izateko.