Alberto Uribe-Echevarriak sinadura bilketari ekin dio

Alberto Uribe-Echevarriak Athletic-eko presidente izateko hautagaitza aurkeztu du eta sinadurak biltzen ari da. Aurkezpen ekitaldian, bere lan taldeko kide izango diren Jabi Aldazabal, Silvia Muriel, Genar Andrinua, Izaskun Larrieta edo Mario Fernandez egon dira. Eurekin batera, Jose Mari Arrate eta Txetxu Lertxundi klubeko presidente ohiak, Josu Bergara ahaldun nagusi izandakoa eta EAJ zein Ezker Abertzalearekin lotutako pertsonak.