Gurean Gaur

All Stories

Auzotarren babesa jaso du Gotzaindegiak kaleratu nahi duen bilbotarrak

Esklerosi anizkoitza du Carlos Aguirianok, apezpikuaren jabetzako pisu batean bizi den Begoña auzoko bilbotarrak. Bere gaixotasuna eta pandemiaren eraginez ezin du lanik egin eta bere egoera ekonomikoak ez dio beste pisu bat alokatzen uzten. Maizterrak sindikatuko kideek eta auzotarrek babesa eman diote Aguirianori. Ostegun honetan izango da etxegabetzeko auzia epaitegietan.

Jasandako torturak eta irregulartasunak salatu dituzte 13/13 sumarioko auzipetuek

Hiru guardia zibilek deklaratuko dute gaur, 13/13 sumarioko hirugarren saioan; akusasioaren lekuko gisa. Atzoko saioan akutasuek hitza hartu zuten, akusatuek leporatzen dizkieten delituak ukatu zituzten. Era berean, aurretiazko gaiak eztabaidatu zituzten eta abokatuek konponbide prozesuan eginiko lana balioetsi zuten akusatuek, besteak beste.

Adrian York: “Aurrera egin dugu Bilbori irribarrea eta bizipoza bueltatzeko”

Aurten, bigarrenez ezingo ditugu ohiko moduan ospatu udaran izan ohi diren auzo eta herrietako jaiak. Halere, pandemiaren eragina arintzen ari da eta, eta hori baliatuz, gero eta gehiago dira kultur ekintzak antolatzen ari diren eragile eta taldeak. Hori horrela, benetako Aste Nagusiaren esperoa xamurtzeko, “Bilboko Irria” kultur astea egingo dute Konpartsek. Adrian York Bilboko Konpartsetako kidearekin hitz egin dugu ekimenaren nondik norakoak ezagutzeko.

Ixone Retes: "Badakigu enpresak zein dituen lagun, eta ez gaitu harritzen erabakiak"

Tubacexeko zuzendaritzak Amurrio eta Laudioko plantetako lan gatazkako korapiloa are gehiago estutzea erabaki du. Langile batzordeari jakinarazi dioenez, ez ditu lan txandetan sartuko EAEko Auzitegi Nagusiak behartuta berriz onartu behar izan dituen 129 langileak. Langile horien izena eman du Gizarte Segurantzan, eta etxean izango ditu soldata jasotzen, baina ez die lantegietan sartzen utziko.

Orain sindikatuek zer egiten duten ikusi beharko da, 150 egunetik gora baitaramatzate greban. Ixone Retes Tubacexeko langilearekin hitz egin dugu auzi honen bueltako azken berriei heltzeko.

hamaika telebista

Image