Gurean Gaur

All Stories

Julen Bollain: "Osasun eskubidea interes merkantilisten gainetik jarri beharko litzateke"

Julen Bollain 'Right2Cure Euskadi' plataformako kidea elkarrizketatu dugu Hamaika Telebistan. Patenteak askatzearen alde sinadura bilketa abiatu du plataformak, eta Europako Legebiltzarrean aurkeztea da helburua, bertan eztabaidatzeko aukera zabaltzeko.

G7 Goi Bilerak eta Munduko Nazioarteko Funtsak proposamenak luzatu dituzte azkenaldian txertoen banaketa desparekoarekin amaitzeko; txertoak banatzea edo diruarekin laguntzea dira proposatutakoak. Bollainek adierazi duenez, bidea ez da karitatea: "Erantzun demokratikoa patenteak askatzea izango litzateke", defendatu du. Hori horrela, patenteen liberalizazioei esker, 12 milioitik 60 milioi txerto ekoiztera igaroko liratekeela nabarmendu du. Oztopo nagusiak, ordea, Europa eta farmazeutikoak direla salatu du Bollainek, "txertoen behin behineko liberalizazioak kolokan jarriko lukeelako farmazeutikoen boterea".


Milioi bat sinadura behar dira abuzturako, eta hemen sina daiteke.

Espazio Publikoan Ehuntzeko Munduko Eguna ospatu dute asteburuan

Araba, Bizkaia eta Gipuzkoako 14 puntutan 30 erakunde baino gehiagok #Puntuetakitto jarri diote indarkeria sexistari. Mugimendu hau Pasaian jaio zen, Lalocadelacasa-ko Oihana Merino eta Adinkide GKE-ko Blanca Caballeroren artean.

Ekimenaren helburua da belaunaldien arteko loturak sortzea emakumeen artean, eremu publikora ateratzea emakumeei eta eremu pribatuari lotuta egoteagatik beren balioa kendu zaien diziplinak, lanen atzean dagoen jakinduria eta savoir faire guztia ikusaraztea, eta gure arbasoek itzalean egindako lanaren balio kalkulaezina ohoratzea. Horrez gain, auzoko bizilagunen arteko loturak sortzeko elkarguneak sortzea jarduera ludiko eta artistiko baten bidez, eta auzoa eraikitzeko eta ehuntzeko hurbiltasuneko harreman afektiboei balioa ematea.

Ehundutako zati guztiak Astigarragako Matazak Indarkeria Sexistaren Kontra erakundeak 8 urtetan zehar sortu duten 7 kmko begizta kolektiboari gehitu zaizkio.

Igandean izango dituzte eskualdeko eta departamenduko hauteskundeak Ipar Euskal Herrian

Hauteskunde astea izango da datorrena Lapurdi, Nafarroa Beherea eta Zuberoan. Igandean egingo dute eskualdeko eta departamenduko bozen lehen itzulia Ipar Euskal Herrian eta Frantziar Estatuan. Sei urtero lez, herritarrak hautetsontzietara deituta daude, eskualdetako eta departamentuetako aginte gorenak berritu ditzaten.

'Legatua partekatuz' erakusketarekin ospatuko du Balenciaga museoak bere 10. urteurrena

10 urte bete ditu Getariako Balenciaga museoak eta ostiralean egin zuten ekitaldiaz gain, jantzi diseinatzailearen ibilbidea eta ondarea omentzeko erakusketa digitala sortu dute arduradunek. 10 kontzeptutik abiatuta getariarraren 10 diseinu jarri dituzte ikusgai webgunean ‘Legatua partekatuz’ erakusketan.
hamaika telebista

Image