Gakoak

All Stories

Mikel Etxeberria: 'Enpresak, hasieratik, Novaltiako langileon greba arazotu du'

Novaltiako grebalariek elkarretaratzea egin dute gaur Bilboko Epaitegien aurrean, greba eskubidea urratzeagatik egin den epaiketa dela eta. 2019an greba hasi zenetik, enpresak grebarekin bat egin ez duten langilei hileron 300 euroko gainsaria ordaindu die. Gaur Novaltiako grebak 966 egun bete ditu, Europako grebarik luzeena.

Laura Roux: 'Hezkidetza da tresnarik potenteena indarkeria matxista borrokatzeko'

Asteburura begira, aurreko larunbatean, martxoaren 12an, InteRed EH-ak bigarren Indarkeria matxisten prebentziorako hezkidetza topaketa antolatu zuen Azkuna Zentroa-Alhondigan, Garapenerako Lankidetzaren Euskal Agentziaren laguntzarekin. Topaketa honen helburua da agerian uztea ikasgeletan hezkidetzak duen garrantzia, zaintzaren kultura eta berdintasunean, eta eskolan indarkeria matxistak prebenitzean oinarritutako balioak sustatzea.

Mertxe Aizpurua: 'Oso urrats garrantzitsua eman da, biktimek denbora asko zeramaten itzalean'

EH Bilduk, ERCk eta Unidas Podemosek aurreakordioa lortu dute PSOErekin, elizan sexu-abusuak jasan dituzten biktimei ahotsa emango dien espazio bat sortzeko Kongresuan. Horri esker, biktimek ahotsa izango dute eta Kongresuan gertatutakoa kontatu ahal izango dute, eta gizarteak lehen pertsonan entzun ahal izango ditu haien testigantzak.

Itziar Azpeitia, Lanbroa: 'M8ko kontzentrazioa erabateko arrakasta izan da'

Zenbatezina da Emakumeen Nazioarteko Egunaren harira deitutako protesta kopurua. Aurten ere, genero-arrakalaren bukaera eta emakumeen eta gizonen arteko berdintasuna aldarrikatuko dute feministek. Eta horrez gain, zaintza jarri dute erdigunean gaurko mobilizazioetan.

'Gakoak' saioan izan ditugu Lanbroa kolektibo feministako Itziar Azpeitia eta ONEKA EHko emakumen pentsionisten kidea Itziar Lasuen.

Sara Polo: 'Hezkuntzako azken datuek diote gero eta desberdintasun gehiago dagoela'

Save the Childrenek “XXI. mendeko Hezkuntzarako Oinarrien Zirriborrorako” zuzenketa-proposamena erregistratu du Eusko Legebiltzarrean. Horretan, segregazioaren aurkako neurri eta konpromiso zehatzak batzen dira; izan ere, erakundeak zuzenketa batzuk proposatu ditu, hezkuntza inklusiboa izatea bermatzeko.
hamaika telebista

11 laguntzaile

Image