Artekale

All Stories

Kafe Antzokiaren 25. urteurrena, Sormene jaialdia eta Luze edo Motz ikuskizuna

1995eko abenduaren 15ean ireki zituen ateak Bizkaiko hiriburuko euskalgintzarako arnasgune bilakatu den Kafe Antzokiak. Ordutik, 7.200 ekitalditik gora antolatu dituzte bertan, kontzertuak eta bestelako ikuskizunak, esaterako. Sormene Galdakaoko sortzaileen plazara hurbildu gara aste honetan. Astelehenetik da martxan jaialdi berria eta asteartean, Imanol Epelde irakasle, blogari, idazle eta musikariak literatura tailerra eskaini zien goizez Galdakaoko ikasleei. Horretaz gain, Mirari Martiarenarekin hitz egin dugu 'Luze edo motz' ikuskizunari buruz.

Ikusi Artekale saio guztiak hemen

Durangoko Azoka, Galdakaoko Sormene jaialdia eta Tracking Bilbao

Aste honetako Artekalen, ezinbestean, Durangora begira jarriko gara liburu eta disko azokaren 55. edizioa bukatu berritan. Horrekin batera, kulturari plazak eskaintzeko ekinean diharduten beste zenbait eragilerekin bildu gara aste honetako osatzeko. Alde batetik, Galdakaoko Sormene jaialdiaren aurkezpenean izan ginen, bestetik, Tracking Bilbao jaialdiko antolatzaileekin bildu gara ere. Igandean abiatuta kultura digitalaren jaialdiaren 8 edizioa ospatuko da.

Artekale saio guztiak ikus ditzakezue hemen.

Igandean hasiko dira Caostica elkarteak antolatutako Tracking Bilbao jardunaldiak

Kultura digitalaren jaialdiak hainbat ekitaldi antolatu ditu abenduaren 13tik 19ra bitartean Bilborock, BBK Aretoan eta Sarean espazioan. Besteak beste, hiztaldiak, mahainguruak, telesailen estreinaldiak, bakarrizketak eta kontzertuak programatu ohi dituzte Tracking-en eta aurten, pandemiak lana zaildu badie ere, proposamenari eutsi diote. Hemen ikus dezakezu Artekale saioa osorik.

Bernardo Atxagaren "Ate Pank eta Ate Punki", Jokoteknia, "Amaren Intxaurrak" eta gehiago

Bernardo Atxaga idazlea izango dugu aste honetako Artekale saioko protagonista. Asteasuarrak bere azken eleberria argitaratu eta urtebete ingurura, haurrei zuzendutako Ate Pank eta Ate Punki ipuina kaleratu berri du. Beste hainbat gai ere biltzen ditu gaurkoak; besteak beste, Jokoteknia euskal bideojokoen jardunaldiaren hirugarren ediziora bertaratu ginen. Halaber, Pirritx Porrotx eta Marimototsen Amaren Intxaurrak proiektua, Iruñean ikusgai dagoen Afrotopia erakusketa eta Gaztezulok argitaratutako Kantu eskukadak ilustrazio liburua ere aurkeztuko dizkizuegu.

Gontzal Mendibil: “Iparragirrek euskal kontzientziaren lehen izpiak jarri zituen; nonahi eta noiznahi kantatzen zion Euskal Herriari”

, Gontzal Mendibil musikariak Jose María Iparragirre omenduko du, Urretxuko bardoaren jaiotzaren bigarren mendeurrena dela eta. Ez da edonolako kontzertua izango, gainera, Mendibil Iparragirreren azalean agertuko baita eszenatokian eta hainbat musikari eta antzezlek lagunduta, Iparragirreren bizitzari errepasoa emango dio.

'Lemoiz gelditu' murala, HTX24, 'Sisiforen paperak' antzezlana eta 'Antzara eguna' komikia

Lemoiz gelditu horma-irudia izango dugu hizpide aste honetako Artekale saioan. Iskandar Rementeriak komisariatu du duela 40 urte Vicente Ameztoyk, Jose Luis Zumetak eta Carlos Zabala Arrastaluk sortutako muralaren inguruko erakusketa Bilboko Arte Ederren Museoan. Halaber, antzerkiak presentzia nabarmena izango du aste honetako saioan, Sisiforen paperak antzezlana eta Bilboko Txotxongiloen Nazioarteko Jaialdia tarteko. Lathe Biosas dantza ikuskizuna, Artium museoak bildu duen Moira Daveyren erakusketa monografikoa eta Bilboko Klasikoen 13. irakurketa jarraituak ere tartea izango dute saioan, besteak beste.

Hemen ikus ditzakezue Artekale saio guztiak, nahieran.

Alazne Astorga: “Orain gure egoitza propioa daukagu; horrek askatasun handia ematen digu”

2015ean sortuta, antzerkigile gazteei arlo profesionalean aukera bat emateko asmoz sortu zuen Ramón Barea P6ko bultzatzaileetako batek. 5 urteko ibilbide oparoaren ostean, bere kabuz aritzeko pausua ematea erabaki dute kideek. Pabellon6ren laguntzarekin baina funtzionamendu erabat autonomoarekin jardungo dute hemendik aurrera eta bertako kide Aitor Echarte eta Alazne Astorgak hartu gaituzte konpainiaren egoitza inauguratu berrian.

Gazte Konpainia, "Naparra. Kasu irekia" liburua, zinema eta Jon Cazenaveren "Galerna" erakusketa

Pabellon6ren laguntzarekin baina funtzionamendu erabat autonomoarekin jardungo du Gazte Konpainiak hemendik aurrera eta bertako kide Aitor Echarte eta Alazne Astorgak hartu gaituzte konpainiaren egoitza inauguratu berrian. Literaturak, argazkilaritzak eta arteak ere zer esana eman dute egunotan Euskal Herriko kulturgintzan. Jon Cazenave argazkilariaren “galerna” erakusketaren, “Lemoiz gelditu” muralaren eta Jon Alonsoren “Naparra. Kasu Irekia” liburuaren berri bildu dugu Artekalen, besteak beste.
hamaika telebista

Image