Artekale

All Stories

Etxetik ere kulturak fruituak ematen jarraituko du

Udaberriaren hasierak etxean harrapatu gaitu, baina kalean loreak hazi diren bezala, gure kulturgileek etengabe eskaini dute euren sorkuntza etxetik. Halaxe, etxetik, Artekalen bilduko ditugu gure kulturaren azken berriak. Aste honetan Jose Luis Zumeta margolaria, Barricadaren lehen kontzertuaren 38. urteurrena eta Maiatzaren Lehena artearen ikuspegitik.

Kultura ere kolpatu du Koronabirus gaitzak

Gizartea astindu duen Koronabirusak kultur emankizunetan ere izan du bere eragina. Emanaldi ugari ari dira momenturo bertan behera geratzen. Hala ere, Loraldia abiatu da Bilboko Arriaga Antzokian, ez ohiko egoeran eta neurri berrien esperoan bada ere. Horrekin batera, "Virgenes o putas" liburuaren idazle den Amaia Nausiarekin solastu gara gaurko saiorako.

Iñaki Ziarrusta (Atx teatroa): "Politikari batek ere ez daki zertarako balio duen kulturak"

Duela 10 urte sortu zuen Iñaki Ziarrustak Atx antzerki konpainia, soilik euskarazko lanak egiteko erabaki irmoarekin. Horrek oztopo ugari jarri dizkio bidean taldeari eta, beste faktore askoren artean, politikarien utzikeriak sektorean duen eragina nabarmendu du sortzaileak.

Musikaren bidebazterrak jorratzen ditu Gertrude Noise Meeting jaialdiak

Soinu eta zarata industrialak inguru natural batean. Hori da Gertrude Noise Meeting jaialdiak eskaintzen duena Orozkoko Artiñano etxean. XVII. mendeko jauregian XXI.-eneko musikarik esperimentalena. Aurtengoa formatu txikiko festibal honen hirugarren edizioa izan da dagoeneko. Giro lasai eta lagunartekoa sortzea dute helburu antolatzaileek.

Atx konpainiaren '7ak bat' antzezlanak eskuratu du XX. Donostia saria

Iñaki Ziarrusta konpainiako kideak sorpresaz eta poztasun handiz hartu dutela azpimarratu du, sektorean oso preziatua den aintzatespena baita. ATX konpainiaren lehen umorezko lana da “7ak bat”, 7 bekatu nagusiak, frankenstein eleberriaren imaginarioa eta emakumeen aldarrikapenak uztartzen dituen “punki komedia feminista” gisa definitu du egileak.
hamaika telebista

Image